السلام عليكم ورحمه الله وبركاته
طبعا انا مانزلت ها الموضوع الا من اللي اشوفه واسمع به من المواطنيين اللي يدورون شغل
يا اخواني فخاطري شي وابا اقوله لكم
ليش انتو تدورون على الوظيفه وبس؟؟
شدو حيلكم واشتغلو شغل خاص فيكم صدقووني مب صعب ولا عيب بالعكس
الحينه ها اللي يشتغلون هنيه وفاتحين محلات ويالسين بها ماشاء الله عليهم الله يرزقهم يكدون خير
ليش ماتجربون ها الشي صدقوني سمعو رمسه مجرب
اشتغلو في البزنس في البيع والشرا
انا الصراحه هنيه فالمنتدى اشوف بعض الاخوات اللي تبيع العطور واللي تبيع الكريم واللي تسوي ديكور
واللي تطبخ وتبيع الصراحه شي حلو ويثلج الصدر يوم اشوف بنت البلاد تشتغل شغل خاص وبزنس
ترا ما يبالها شي والسالفه سهله وايد
انتو شرا ماتشوفون الوظايف استوت نادره وكلنا يعرف ليش مايحتاي نطري ونعيد
سمعو نصيحة اخوكم خلفان كل اللي هنيه اعتبرهم اخواني وخواتي وخاطري يشتغلون كلهم
ويثبتون وجودهم ويترزقون
فكر في مشروع بسيط في البدايه وحاول توقف على ريولك مره وثتيين وثلاث وصدقوني عقب ها الشي
الكل بيتجه للشغل البزنس بس اهم شي تفكر بشي صح وتخطو خطوه صح للبدايه
خلك الحينه من الموتر الفور ويل اللي تبا تظهره من الوكاله وبيزات ها الموتر شغلهن في شغله
تعطيك رزقه طيبه وكريمه والموتر بيي عقب بروحه ويمكن مب موتر واحد الا مواتر وكل شي بخاطركم
المهم الحينه الشغل ونشه الصبح على شغلك وتجابل شغلك ورزقك
اللي يسعى على رزقه وشغله الله يبارك به ويساعده ويفتحها بويها
افتح مشروع صغير وشوي شوي بيكبر اكثر واكثر وترا انتو مواطنين عيال البلاد ماتبون كفيل ولا شي
فكرو شويه بكلامي جان بتمون تتريون الوظايف تييكم الين باب البيت ترا ماشي جي
يقولك في الحركه بركه
يعز عليه اشوف اخواني يبون يشتغلون ومب محصلين شغل
السوق كبير وفرص وايد شغل عقلك وفكر شويه وأأجل اللي بخاطرك عقب من سيايير او سفر او اي شي
واللي عنده شي يبا يطرحه هنيه حياه الله خله يطرحه وبنتناقش به والكل بيستفيد يمكن بنوصل لشي مفيد
سبحان الله ماحد يعرف يمكن اثنيينه يتفقون على شغل معيين او يفتحون مشروع مع بعض
واي شي انا حاضر للجمييع
بخبركم عن تجربتي
طبعا وااااايد ترييت اشتغل ماشي فايدة
سويتلي شغلة وهي اشتغل وسيطة في العقار
والحمد الله بعد طوووووول انتظار الله رزقني عمووله خيالية ما بتصدقون لو قلتلكم فوق 5مليون
بس هذا يا بعد طوووول انتظار خساااير رصيد ومعاناة ويا الناس للي تشتغل في العقار كذب ولواااااااته من الخاطر وغير هذا واااايد واااااااااايد
بس نيتي كانت صافية وكنت ادعي ربي اني هالفلوس اللي بحصلنهم بسويبهن اشيا زينة
ترضي الله وارضي والديني فيها
طبعا اشكر الاخوان اللي ساعدوني كلهم يوم عرضت وقلت لهم شو رايهم في شغله كنت ابا اشتغلها
طبعا ابا احذر البنات يوم يطلبن وضيفة والجماعة اللي في المنتدى ما يقصرون ويطلبون السيفي انه يطلبن عنوان الدوام على طول اللي هم عندهم فيه واسطة او يقدمون لهم في مكان دواماتهم او عندهم جهة معينة:
مايرسلن السيفي لهم مباشرة خليهم يعطونكن رقم البريد او الايميل التابع لجهة العمل
لاني شفت ذيابه كشرت عن انيابها
ما بطول عليكم
والحين اخلص الترتيبات الاخيرة لمحل في دبي
وادعولي الله يوفقني
واتخلص من اللي في بالي قولو امين
واشكر صاحب الموضوع
بالتوفيق شدوا حيلكم وخلونا نشوف المواهب ومن خلالها الاستشارات
حتى انا في خاطري
مشكور اخويه على الطرح
و موفقين ان شاء الله