بسم الله الرحمن الرحيم
نحن الحين فسنة 2009 وبعد كم شهر بندخل 2010 والشباب والبنات في الامارات متخبيلن عالشئ اسمه بلاك بيري وين ما تروح بلاك بيري فالمستشفي بلاك بيري فالبيت بلاك بيري هالجهاز مصنوع لتسهيل عمل رجال الاعمال لكثرة اعمالهم وسفرهم وربعنا يستخدمونه للمغازل وتبادل النكت وياسلام اذا كان عندك بلاك بيري وانت تسوق السيارة ويالك مسج وتبا ترد عليه بتحصل راعي الموتر ياخذ يمين يسار لين يدعم شئ ويخسر سيارته وروحه عشان تلفون قيمته 2500 ليش يا شباب ترا اذا الحديد رخيص ترا الروح غالية وانا ما اقول هالكلام حقد عااصحاب بلاك بيري ترا انا من مستخدمين هالجهاز بس اعرف متي استخدمه واتمني من الاخوان الانتباه عنفسهم ترا كل واحد عنده اهل ينتظرونه فالبيت ويا شباب وبنات حاسبوا ترا الروح غالية واذا مت ترا محد بيصيح عليك انت بتحرق قلب اهلك من الحسره عليك 
لووووووووووووول
لين الحينه ما عندي بلاك بيري
بشتريه يوم يكون عندي مليون درهم خخخخخخخخخ
ثانكس عالمرور والردود الطيبة
ههههههههههههههههههههههههههه
مادري شو يحببهم فيه
حشى انا احول من كيبورده صغيروووووني
أستقبل الهديه مع جيز كيك طبعا
.
.
.
وبصراحه أنا خوفي الناس يدعمووون بعض ولا الحيطان من كثر ماهم مشغولين فيه وحتي وهم يتمشووون في المولات
.
.
ومثل ما قلت فتره وبترووووح وبيي شي يديد
وشكرا ع طرحك الموضوووع
صح مثل ما قلت .. بيملوون منه و بينسوونه
و بيصير شي عادي عقب
ياخوي ليش توجع راسك .؟
النااس الحين كلهم ماسكينه في اياديهم .. لا و رافعينه فوق عشان الكل يشوفه ..
اللي يبغي يشتريه يشتريه .. و اللي يبغي يذبح عمره و يسوي حوادث بسببه يسوي ترى نحن مب مسؤولين عن حد
صدقني هالنصايح ما تفيد في حد ..
اللي عليك انك تدعيلهم في السر ..