بسم الله الرحمن الرحيم

نحن الحين فسنة 2009 وبعد كم شهر بندخل 2010 والشباب والبنات في الامارات متخبيلن عالشئ اسمه بلاك بيري وين ما تروح بلاك بيري فالمستشفي بلاك بيري فالبيت بلاك بيري هالجهاز مصنوع لتسهيل عمل رجال الاعمال لكثرة اعمالهم وسفرهم وربعنا يستخدمونه للمغازل وتبادل النكت وياسلام اذا كان عندك بلاك بيري وانت تسوق السيارة ويالك مسج وتبا ترد عليه بتحصل راعي الموتر ياخذ يمين يسار لين يدعم شئ ويخسر سيارته وروحه عشان تلفون قيمته 2500 ليش يا شباب ترا اذا الحديد رخيص ترا الروح غالية وانا ما اقول هالكلام حقد عااصحاب بلاك بيري ترا انا من مستخدمين هالجهاز بس اعرف متي استخدمه واتمني من الاخوان الانتباه عنفسهم ترا كل واحد عنده اهل ينتظرونه فالبيت ويا شباب وبنات حاسبوا ترا الروح غالية واذا مت ترا محد بيصيح عليك انت بتحرق قلب اهلك من الحسره عليك

19 thoughts on “اخ يا بلاك بيري”

  1. من يومين كانت اتصالات منظمة حفل حق الشركات الصغيرة والمتوسطة القى فيها المدير الاقليمي لنوكيا كلمة..كلهم كانوا ملانيين ولايعه جبدهم ويبونه يخلص باسرع وقت..

    عقب رمس المدير الاقليمي لبلاك بيري..الكل كان منتبه..اول ما بدا سئل منو في القاعه يستخدم بلاك بيري..90% اللي في القاعة رفعوا ايدينهم..عقب سئل منو سمع عن بلاك بيري لكن ما يمتلكه..رفعوا الباقيين ايدينهم ..عقب سئل منو ما سمع بحياته عن بلاك بيري ولا يعرف عنه شي…بس واحد.. هندي رفع ايده في القاعه..كل اللي في القاعة نقعوا عليه من الضحك

    صار اللي ما يعرف بلاك بيري مثل اللي ما يعرف يستخدم كمبيوتر ..يشوفونه شخص ما يخصه من التقنيات اليديده وما مواكب التطور….صراحة انتشر بشكل رهيب على مستوى العالم مب بس الامارات وصار الكل يستخدمه من صغير لكبير….لكن فعلا خطير اذا الواحد يستعمله وهو يسوق…لانه يشتت الانتباه….الناس في المولات تتمشى وما شي تركيز كل واحد منزل راسه..عادي يدعم اللي جدامه…

  2. والله كلامك صح 100%

    ماادري على شو متخبلين

    لا واللي يقهر انه كل واحد يسأل الثاني متى بتييب بلاك بيري علشان نتبادل المسجات

    انا شفته مب عملي وبايخ ودمه ثقيل

  5. اخوي سويت نايس خلك عالنوكيا احسلك بلا بلاك بيري بلا وجاع قلب ياخذون 158 درهم فالشهر عاشو مادري خلاها عالله احسن شئ

Comments are closed.