بسم الله الرحمن الرحيم
نحن الحين فسنة 2009 وبعد كم شهر بندخل 2010 والشباب والبنات في الامارات متخبيلن عالشئ اسمه بلاك بيري وين ما تروح بلاك بيري فالمستشفي بلاك بيري فالبيت بلاك بيري هالجهاز مصنوع لتسهيل عمل رجال الاعمال لكثرة اعمالهم وسفرهم وربعنا يستخدمونه للمغازل وتبادل النكت وياسلام اذا كان عندك بلاك بيري وانت تسوق السيارة ويالك مسج وتبا ترد عليه بتحصل راعي الموتر ياخذ يمين يسار لين يدعم شئ ويخسر سيارته وروحه عشان تلفون قيمته 2500 ليش يا شباب ترا اذا الحديد رخيص ترا الروح غالية وانا ما اقول هالكلام حقد عااصحاب بلاك بيري ترا انا من مستخدمين هالجهاز بس اعرف متي استخدمه واتمني من الاخوان الانتباه عنفسهم ترا كل واحد عنده اهل ينتظرونه فالبيت ويا شباب وبنات حاسبوا ترا الروح غالية واذا مت ترا محد بيصيح عليك انت بتحرق قلب اهلك من الحسره عليك 
هههه ولد اخوي في الروضة يقول بياخذ لبنت عمه هدية بلاك بيري لانها مخلصة الثانوية هههه
يقولك في فكااااااااااااهههه(((البنت اتقول لابوها ..ابويه انا باخذ بلاك بيري..قالها والله ماتاخذين غير ولد عمج ))) هههه
الصراحه فنظري انا الايفون احسن من البلاك بيري
مادري الناس شو عايبنها فل بلاك بيري
هذا ولا شي … تراقبون ترا يايكم في وقت جريب twitter الي هي قامت تنتشر في الغرب بشكل رهيب … والكل من الصغار لين الكبار في السن طايجين فيه …
مدري والله ليش الناس ميتين عليه يمين شمال ابدا” لا ميزات خاصة ولا برامج اللهم بس ارسال واستلام ايميل …
انا عن نفسي هذا التلفون ما ابلعه,, احس انه ثقيل دم ,,,
و اذا عن النت , انا عندي E75 , نوكيا و فيه كيبورد و مسوي خدمة Data package بــ195 و عندي نت و الايميل شغال و المسنجر شغال , و اموري طيبة ,,
السالفة استوت مب سالفة نت , السالفة سالفة مظاهر , موضة على قولتهم ,,
اليوم امشي في فستفل ستي , و مرة وحدة اشوف زحمة جدامي عند كشك من الكشكات الي في النص بين المحلات ,. طلع الناس متيمعين يشترون كفرات بلاك بيري .. و الله ضحكت ضحك ..
يالله باجر بينزلزن GREEN BERRY بعد الناس بطيح فيه …
و مصيره من مصير ال اي فون , يملون منه