يعطيكم العافيه اخواني الاعضاء ..وعساكم على القوه … دائما كل ما اكون في محطه ادنوك …. الاحظ مجموعه كبيره من الناس تستخدم بترول خصوصي .. والمعروف ان الخصوصي سعره اغلى من سعر البنزين الاحمر …. والسبب غير معروف بالنسبه لي ….

مع العلم …اني انا من كم سنه استخدم البترول الاحمر … والسيارات الي مرت علي … وكنت استخدم فيهن البنزين الاحمر …. بورش كاين … و …. مرسيدس 350 s ……و تويوتا ستيشن 2009 … وفي الحقيقه طول فتره استخدامي للسيارات المذكوره .. ماصادفتني .. مشاكل في السياره …. ولا حسيت بفرق في الاستخدام …لا من ناحيه عزم ولا من ناحيه …. صيانه …..

وفي يوم من الايام … كنت ارمس عن هذا الموضوع … وكانت ردت فعل الناس …. انه مستحيل …. يعبون من البنزين الاحمر …. بحجه …. انه نوعيته سيئه … وهذا السبب انه رخيص مقارنه بالخصوصي …..

بأمانه انا ماحسيت فيه فرق بينهم .. ماعدا السعر ….

واحب اسمع ارائكم…. في هذا الخصوص

44 thoughts on “ادنوك .. بترول سيارتك … احمر .. ولا … خصوصي (موضوع للقاش)”

  1. الاخضر اخف عن الاحمر وخالي من الرصاص اما الاحمر فيه نسبة رصاص بس مايضر المكينه والفرق بالسعر بسيط يعني عبي الاحسن بزياده 10 دراهم

  2. انا عن نفسي ما اقدر استخدم الاحمر لانه في دبي ماشي شيش بترول ادنوك

    واقرب شيشة في الشارجة وما فيه اصك لين هناك

    ومن ناحية الفرق ترا الفرق بس في نسبه الرصاص في الاحمر تكون اعلا

    ويقولون يأثر على المحرك في فتره طويله يمكن عقب عشرين سنه

    لاكن لين يومك ما شفت سيارة وحده قالو عنها انها مختربة بسبب البترول الاحمر

    يعني استخدمة ونته مرتاح
    يمكن سرعه الحرق في الخصوصي تكون اعلا شويه لانه اخف بس

  3. انا عندي لوووووووووووووووووووووومينااا 6 سلندر 2007

    والله حرااام اعبيهااا بـ 130 وفوووق خصووصي

    اعبيها في البريمي وهي مصفررررررره بـ 83 ويتم البترول مب نفس الخصوصي

    ويوم اعبيها في البريمي تمشيني مال 500 كيلو وفووووق وانا كل يوم اسير الدوام من السبت لين الخميس الروحه بس 31 كيلو

  4. في فرق من ناحية اداء المحرك

    في سيارات زين لهم الاحمر وسيارات زين لهم الاخضر

    الاحمر زين للمكسيما والكرولا والالتيما وغيرهم وايد

    لكن تعال حط احمر بموتر امريكي ولا بنسيان بتحصله ياااالله يمشي
    عقب غير حط اخضر بموتر امريكي او نيسان او اي موتر ثاني بتلاحظ انه في فرق بالعزم والقوه

    تجربه:

    بنسيان هارتوب 2008 ولكزس 400 وكراون فكتوريا 2001

    جرت فيهم كلكهم وعزم الموتر يفرق وااايد

    الاحمر اثقل عن الاخضر واقل نقاوه

Comments are closed.