السلام عليكم ورحمة الله وبركاته
كيف الحال ان شاء الله بخير 
قررت اخذ لي موتر
وسعره يكون في حدود 220 الف
وما تفرق مستعمل ولا وكالة
فـ بشو تنصحوني
بغيت موتر يتم عندي فوق 5 سنين وما يشكي من شي لا خرابات ولا عفسه
انا الصراحة فكرت في اكثر من موتر
مثل
GS 460
وجفت بعد
كلايسلر SRT
وحصلت بعد ls460 على 200 الف مستعملة
حلوات لكن قلت قبل كل شي بجوف راي اخواني 
المهم بشو تنصحوني
انا افكر اما على صالون ولا فورويل سبوورت
وداش في خاطري G55 لكن 2010 وايد غالي
فهل بحصل من الموديلات الجدام لكن محول 2010 ولا 2009؟
والي عنده موتر يعرضة علي
شوف حطها اف بالك هالشي الالماني بتهمل السرفس ماله الله يعينك صراحه ع الاعطال ..
اما الياباني معروووف يعني يعمر وياك اكثر عن الالماني و كل قطع غياره موجوده ..
بس لا تنسى الالماني غير عن الياباني من ناحيت المواصفات و الامان طبعا …
و ف النهايه ها ذوقك صدقني اهم شي انت اتكون مقتنع فيه …
بس بالاخير كلهم حديد ههههه ..
..
و السموحه ^^ ” ..
خذ اللكزس 460 Ls موديل 2008 بحدود ال 200 ألف
او اللكزس GS460 موديل 2009 مستعمل
بالنسبة حق ال G55 تقريباً موديل 2005 بيكون سعره بحدود 200 ألف ..
او خذلك النيسان اليديد … فئة SE رقم 2 اعتقد بيكون بحدود 220 لانه النيسان فئات وكل فئة بسعر
أو خذلك استيشن لاندكروزر مستعمل VXR يعتتمد على حسب الموديل بس انصحك بالفول اوبشن …
لو حصلت موديل 2009 على الزيرو بتحصله بسعر ال 220 ألف او اقل …
..
خذلك لفّة على مواتر الانفنتي .. FX 50 S
فالأخير لازم اتكون مقتنع من السيارة ومن سعرها …
وانته اللي بتدفع وانته اللي بتسووق …
يعني حكّم رايك ولازم اتكون مقتنع من السيارة عسب ما اتعافها عقب
خذ ls 460 و القلب داعي لك لاخرابات وفخامة وتقدر تبيعها في اي وقت
Gs 460
اللي اعرفه يمكن تتغير
استخير قبل كل شي
وخذها قاعده
الشباب كل واحد بيمدح موتره
ان كان ياباني ولا ألماني
و
موفق بإذن الله … لك مني أجمل تحية .
Lexus and only lexus
try to get LS460 2008
inshalllah ull never regret it
cheap service + reliable and very comfort