انا استغرب من الماكيرات اللي يحطن اسعار خياليه
على شو 4000 و7000 واحيانا 10000
الحين الماكيره (المواطنة) لا تدفع ايجار محل ولا تدفع معاشات موظفات ولا ماي وكهربا…. الخ
و تستخـدم نفس علبة الفاونديشن و الشادو والأرواج و نفس الأدوات ؟
انزين ليش هالغلاااااااااااااااااا ؟؟؟؟
عشان تطلع سعر المكياج والا يمكن حاطة الماس ولا ذهب في المكياج
ناس فقارى ماعندهم بيوت يسكنون فيها ولا أكل ياكلونه
ونحن صرنا نسوي ميك اب العرس عشان كم من ساعة ب 4000 و 10000
مب حرام
رب العالمين بيحاسبنا على هذا الدفع بدون حساب
يوم القيامة بيسألنا : عن مالنا وين انفقناه!!!!!
لازم يكون فيه قانون اجباري لكل الصالونات ولكل وحده اتحط مكياج
والله حتى 2000 حق عروس وااااااااااايد
احسبوا كم عروس في الشهر اتحط شو هالمبالغه نحن مب بنوك متحركه والله قهر
حتى المكياج العادي وصل 600 واااااااااايد الصرااااحة
واصلا المكياج مايستاهل هالسعر الناار حتى لو وحدة محترفة
فياريت يكون فيه قانون يردع هالطماعات سواء في المكياج او الشعر وحتى العبي
الله يعين المعرس الصراحة ع كل هالمصاريف
وعقب ييلس سنين يسدد ديونه لين مـا يشيب شعر رآسه
وانا هالمواطنات غااسلة إيدي منهن ما يسمعن الرمسة و يعاندن
ما أقول غير حسبي الله و نعم الوكيل عليهن
غالبية البنات يعملون في الدوائر المحلية رواتبهم من 50 الف
و انتة طالع و من حقها تشتري الذي تريدة و نشاهد الان في
الشوارع ان غالبية البنات غيرت سيارتها من كورولا و صني
الى كايين و لكزس و بي ام و مرسيدس و بطبع تدفع مبالغ
خيالية على الماركات و المكياج .
و في المقابل الحسرة و الهم و الغم على المتقاعدين و
موظفي الحكومة الاتحادية التي لن تشملهم الزيادة
و رواتبهم لا تصل الى 15 الف درهم و لا يستطيعون
ان يوفرو لقمة العيش لأبنائهم قبل ان يفكرو في
المكياج و الماراكات .
.
الغاليه زهرة الريف .. مثل ما قلتي الاسعار نار مب بس المواطنات حتى الوافدات..!
هلا اختي زهرة الريف اشحالج؟؟
ما شاء الله عليج دخلتي الموضوع دايركت بدون مقدمات من حرة قلبج
بالنسبة لأرتفاع اسعار الماكيرات ترى مب بس المواطنة ترفع
سعرها حتى الوافدات ما شاء الله عليهن
تقولج انا خبيرة تجميل وحاصلة على شهادة وادربت مع فلان الفلاني
وعدلت الشيخة الفلانية والمطربة العلانية..
واحنا مانصدق عاد قلنا خلاص هاذي اللي بتخليني اقول للقمر زيح شوي وانا اخذ مكانك
يعني بالمختصر احنا اللي مساعدينهم وترى كل شي ارتفع
بهالدنيا الواحد لوبيعرس بصراحه الله يعينه بيفقر
وحتى العروس توصل احيانا انها تدفع من جيبها ( وانا وحده من الناس اللي قاعده ادفع من جيبي عشان اكمل ترتيبات العرس )
انا مابي احبطج بس اتمنى تصير رقابة على كل شي مب بس الماكيرات..
والله كريم..
سوو حملة مقاطعه …
لا للماكيرات المواطنات … وبتنقص الأسعار ….
وشي ثاني … كل شي مختص بحفلات الزفاف … اسعاره مبالغ فيها ….
كوشه ب 120 ألف .. عند ابراهيم
صبابات ب 10 آلاف ..
فستان ينلبس مره وحده ب 50 ألف ..
ألبوم صور ب 12 ألف ..
وغيره و غيره .. ..