انا استغرب من الماكيرات اللي يحطن اسعار خياليه
على شو 4000 و7000 واحيانا 10000
الحين الماكيره (المواطنة) لا تدفع ايجار محل ولا تدفع معاشات موظفات ولا ماي وكهربا…. الخ
و تستخـدم نفس علبة الفاونديشن و الشادو والأرواج و نفس الأدوات ؟
انزين ليش هالغلاااااااااااااااااا ؟؟؟؟
عشان تطلع سعر المكياج والا يمكن حاطة الماس ولا ذهب في المكياج
ناس فقارى ماعندهم بيوت يسكنون فيها ولا أكل ياكلونه
ونحن صرنا نسوي ميك اب العرس عشان كم من ساعة ب 4000 و 10000
مب حرام
رب العالمين بيحاسبنا على هذا الدفع بدون حساب
يوم القيامة بيسألنا : عن مالنا وين انفقناه!!!!!
لازم يكون فيه قانون اجباري لكل الصالونات ولكل وحده اتحط مكياج
والله حتى 2000 حق عروس وااااااااااايد
احسبوا كم عروس في الشهر اتحط شو هالمبالغه نحن مب بنوك متحركه والله قهر
حتى المكياج العادي وصل 600 واااااااااايد الصرااااحة
واصلا المكياج مايستاهل هالسعر الناار حتى لو وحدة محترفة
فياريت يكون فيه قانون يردع هالطماعات سواء في المكياج او الشعر وحتى العبي
300..؟! والله واااااااااايد زين ..
للحين ما حصلت وحده تسويلي أقل من 500
دايما 600 أو 700 وحتى لو رحت أنا الصالون ما أحصل أقل من 500 .. والحجه شعرج طويل..!
الصراحة من اشوف اسعاركم مبالغ فيها وايد وايد وايد يعني هال 5000 و3000 تراها رواتب عند البعض وبعدين بقولج متلا بالمغرب مكياج العروس مايوصل 150 درهم والمكياج العادي طبعا في حدود 50 درهم مب للهدرجة عندكم
من جريب يبنا وحدة الصالة اتعدلنا حق ملجة اخويه
اتخيلي سوت لي الشعر بس ب300
قلت لها جيه ان شالله شالة طابوق
انا هالحركة اسويها في الصالون ب 50
قالت لا السعر في الصالون غير وفي الصالة غير
قلت لها اندوج هاي 100 ما تبين بالطقاق
زعلت وماطاعت تاخذ
قلت
ازعلي نفاد ينفدج
الوافدات والمواطنات كلهن في الهوا سوا
و المواطنة ما تدفع اجار محل ورواتب للموظفات وكهربا وماي
و المفروض بنت البلاد تكون احن علينا من غيرها
المشكلة ان كل وحده تسمع انه الماكييره الفلانيه رفعت الاسعار قالت انا بعد برفع والكل يرفع
ويتحدن منو يوصل لمت أب
والحمدلله كلنا عدنا خير ونروم ندفع بس رب العالمين ما يرضى هذا اسراف وتبذير
وحرام كل هالمبلغ عشان مكياج كم ساعة وف النهاية ينغسل
ليش أدفع 5000 وفيه ناس ما محصلة تاكل
والصراحة حتى الـ 2000 أشوفها وايد
.
.
.
بإختصار
تـــــــــرف
و بطرة
لمكياج جميل و مُبهر
كل ما عليكِ أختي الفاضلة
الاهتمام ببشرة صحية و جميلة
دورة مكياج و تزيين من أي مركز تجميل معروف
و شراء المكياج الطبي الأصلي و من الماركات المعروفة
لأنه سهل الاستخدام
نعرف ناس
بنت من بناتهم خريجة جامعة و اشتغلت سنة وماناسبها العمل
قدمت استقالتها و خذت دورة مكياج احترافية
والحين تقدم خدماتها مجاناً
فقط لأفراد اسرتها