السلام عليكم و رحمة الله و بركاته
الاسبوع اللي طاف رحت حلاق فالشارقة .. و تفاجئت انه طلب مني 15 على غير العادة
فقلت يمكن طماع و ما عطيته
و هذا الاسبوع تكرر لي نفس السيناريو في حلاق ثاني
و اكتشفت ان التسعيرة اللي حددتها البلدية ومثبته في الحلاليق تم تغيير السعر من 10 الى 15 لحلاقة اللحية
لماذا هذا التغيير اللي يصب ضد مصلحة المستهلك .. و اصلا ماكان شي مطالبة من اصحاب الحلاليق بزيادة الاسعار
بنسير نحلق فأم القيوين بـ5 ريال ابركلنا من هالزيادات
فهل اللي قريته في التسعيرة صحيح ولا العتب على النظر ؟؟
الحياة في ابوظبي غالية من كل النواحي و السبب معروف منها ارتفاع معدل الرواتب هناك
وبصراحة و الله انتوا عاطينهم ويه…
نحن ما نقبل بالزيادات و خاصة ان كانت بدون مبرر
تعلموا الحلاقه رواحكم وانتوا والخير ارباعه بتفتكون من ريحتهم
انا اتحلق روحي في البيت بس الشعر عند الحلاق مادري اخوي متعني ومتصرف كيف يحلق شعر راسه في البيت علمنا ياخوي علشان نفتك مره
في أم القيوين الحمدلله حلاقة اللحية بـ5 دراهم
اشكر تسجيل حضورك
انا السفر علمني الحلاقة فالبيت ..
لكن تعرف الواحد يفكر يمر ع الحلاق بين كل فترة و فترة … خاصه ان كانت عندك مقابلة أو مناسبة
أو تبغي تغيير في طريقة حلاقتك