ارجع جهازك جديد في خمس دقائق

نعم ,مثل ما مكتوب في العنوان, كيف راح ايكون شعورك لما ترجع جهازك جديد , اي وقت تحب, وفي خمس دقايق!!

اكيد كلنا عندنا كمبيوترات ولابتوبات , لما نشتريهن يدد ,مافي اسرع منها

لكن خل تطوف مده, خصوصا الي يدش النت وايد ,ويسوي داونلود, تلقى كمبيوتره صار بطيء ويعلق , يخترب برنامج الحمايه و يصير فيه فايرسات وتروجانز والى اخره..يرتفع عنده الضغط, السايتات ما تفتح وراعي المزاد يلقي كمبيوتره علق في لحظة المزايده وتروح لغيره ولا اصحاب الاسهم الله يعينهم. تمسح البرامج تنظف الجهاز تزيد الذاكره لكن المشكله بعدها موجوده,عقب تلجأ للفورماات. الفورمات يباله وقت. وايد خطوات مب متفيج اتنزل البرامج خلني اوديه للهندي مال محل الكمبيوتر بياخذ25 ولا 50 درهم وبيفكني, اعرف ناس تحط في السنه اقل شي 300 الى 1000 درهم بس حق الفورمات والصيانه. واعرف ناس تكره الجهاز وتبيعه وتاخذ غيره يديد وعلى هالحاله.