سلام عليكم جميع اخوانى وخواتى الافاضل الكرام بالمنتدى الحبيب
باختصار شديد ،،
اختى تعانى من نوبات صداع نصفى مزمنه ( الله يعافيها ويعافينا جميعا )) وكثيرين نصحوها بعمل الحيامه بالراس (( حجامه ))
بس المشكله ما نعرف مكان ثقه عسب تسويها وما يصيبها مضاعفات .
فياليت اللى يعرف او تعرف مكان او مجمع طبى يسوى حجامه وموثوق فيه يخبرنى بالعنوان وثوابه عندالله كبير و ربى يجزيه او يجزيها كل الخير لان اختى فعلا تعانى من ها النوبات ومن الضعف اللى تسببه ادوية الصداع النصفى الكيميائيه اللى تضطر تاخذها عسبة تخفيف حدة الالام براسها .
وتسلمون جميعا
ومشكورين مقدما .
العياده الالمانيه في الشارجه
الله يشفيها من كل مرضها ومن كل مرض يصبها
اختي العامرية اذا كنتي من ابوظبي فعليكي بمجمع زايد للاعشاب والبحوث في منطقة المفرق بجانب مستشفى المفرق والذي اعرف انه هناك دكتور يعمل الحجامه……………. وهناك ام عبدالرحمن بجانب بنك دبي الاسلامي ولك الاختيار ..
الله يشفيها
أنا المكان اللي أعرفه في دبي وفي منطقة العوير تحديدا”
أبو أحمد للرجال وأم أحمد للحريم … ونصف دبي تقريبا” يسوون عندهم …
بس للأسف مب مجمع طبي … ومن ناحية الثقه أنا مسوي عنده والأهل بعد مسوين عند أم أحمد …
واذا يناسبج برسلج الرقم على الخاص وإسأليهم عن الصداع النصفي وخذي لج موعد …
الله يعنينها ويشفيها
كان بالعين عندنا عقيده ولكن على ما اذكر توفى
بتخبر الاهل وان شاء الله خير