السلام عليكم ورحمة الله وبركاته

اخواني ماعرفت وين اعرض موضوعي هذا قلت فخاطريه بعرضه فالعام عل وعسى تساعدوني فيه وان شاءالله القى من يفيدني..

بداية المشكله

قبل ٣ سنوات صارلي حادث، وراحوا ثلاثه من الجنسيه الاسيويه في الحادث، وصارت محاكم وغيره والحمدلله خلصت الموضوع ودفعت الديه الشرعيه (شركة التامين عوضتني بالديه( وانتهى الموضوع….

بس باقي عليه صيام شهرين عن كل شخص توفى في الحادث، والاشخاص عددهم 3

شهرين بالتمام والكمال ولازم ولا يوم افطر فيهن، وانا طبيعة عملي ماتسمحلي هالايام اني اصوم..
طرت ولا حليت تراهم في ذمتيه وواجب عليه الصيام او عتق رقبه..

بغيت استفسر عندكم وين بحصل مكان اقدر اني اعتق رقبه فيه ؟ وهل الحكم الشرعي الي سمعته صح ولا غلط؟

كلمت الهلال الاحمر وما فادوني في شي، دورت كذا مكان عيزت وانا ادور ومحد نفعني ..

قلت سبحان الله يمكن هنيه القى من يفيدني ويعرف مكان اقدر اعتق فيه رقاب..

رجاااااءً ارجوا الجديه في الموضوع، والي مايعرف لا يقول كلام يزعلني ويزعل غيري..

وكلمه اقولها للناس الي تيلس تطنز، (( من عاب ابتلى((

ارجوا الافاده وبكون شاكر لكم

9 thoughts on “ارجوا منكم المساعده”

  2. الله يعوّضك خير على ما ابتلاك فيه ..

    ويجزيك خير الجزاء

    ان شاء الله يفيدونك اصحاب العلم ..

    حاول تسأل واحد فاهم في هذه المواضيع ..

    لانه بتسمع آراء واختلاف في المسائل والأجوبة ..

    بس هنيه ماعندنا عبيد عشان نعتقهم .. وعن الدول الباقية الله أعلم هل فيه عبيد (( رق )) والا ماشي ..

    ..

    بس اخوي حاول تشرح للذي بيفتيلك كيف صار الحادث ومن المتسبب بالحادث ..

    اللي اعرفه انه لو هم اللي تسببوا بالحادث وهم الغلطانين انته ماعليك صيام

    بس لو انته متسبب بالحادث عليك عتق رقبة .. ولو ماوجد ((صيام)) ودية ..

Comments are closed.