السلام عليكم ورحمة الله وبركاته ،،،
ارجوكم اخواني لاتحذفون موضوعي ،، انا بالفعل محتاجة لمساعدتكم
ابغي حد يدلني على رقم ديوان ولا يتوسط لي في الديوان ،، اتصلت على الديوان قالوا ماياخذون طلبات
المساكن الشعبية ،،، شي بيوت فاضية في بعض المناطق ،، اذا يصير يعطونا اياها ،، لان حرام صار لها سنين ومحد ساكن فيها ،،،
والله اني بالفعل محتاجين للبيت ،،، حاولنا ناخذ قرض من البنك عشان نشتري بيت ،، للاسف البنك ماعطانا لان الراتب اقل من المطلوب
ارجوكم فرجوا همي عسى الله يفرج همكم في الدنيا والاخرة ،، ويرزقكم اللي تتمنونه
نحن نعيش في بيت فيه سبعة عوايل ،، الله يخليكم دورا لي حل ،، عندنا ارض بس للاسف الخدمات ما بتطلع الا بعد 5 سنوات او اكثر
والله اننا تعبنا من هالوضع
اتمنى انكم تساعدوني والله يجزيكم الخير
الله ييسر أمرك
اللهم آمين ..
ويساعدك يااارب
كلام أخونا عادل، عين الصوب.
واحد من ربعي من هل الفجيره عمره 45 و متزوّج هنتين. الأولى عندها بيت و الثانيه في شقّه.
الريال مل من الإيجارات، فـ سار قابل الشيخ محمد بن زايد الله يطوّل عمره.
يقولي، والله إنه يوم يلس ويا الشيخ كبر أكثر في عينه (مع إنه كبير في عينه من الأساس). الشيخ يلّسه حذاله و إقترب من ربيعي و قاله قول حاجتك، عشان محد يسمع شو اللي يدور بينهم. الريال حس إنه يالس يكلّم أبوه والله.
هالحركه خلّت ربيعي ياخذ راحته و ما يستحي من اللي يالسين في الميلس و قال كل اللي يباه بينه و بين الشيخ .
و عقبها أمر له بمبلغ (مادري كم بصراحه).
سيري ياختي عند الشيخ، و إن شاء الله لج نصيب.
اختي الاتصال عمره ماينفع في هل الضروف اللحين لو تبين تخلصين اي معامله بسيطه تتصلين 20 مره ولا حد يسويلج سالفه بس لو تروحين بروحج تنصدمين انها خذت بس دقايق !!
كنصيحه مني روحي لديوان حاكم المنطقه اللي انتي ساكنه فيها يعني لو في بوظبي تقدرين تروحين ديوان الشيخ محمد بن زايد صح مابتدخلين من اول مره بس اكيد في النهايه بدشين وبتخبرين طويل العمر عن الضروف اللي انتو عايشينها.
ولا تنسون الله من الدعاء والله يفرج همكم ..
عزيزي شل اغراضك و روح اسكن في بيت من البيوت الشعبيه و لاحد بيطلعك بالعكس بيعرفون مشكلتك و بيعطونك البيت
ان شاء الله احد يساعدكم بالمنتدى
والله يفرج همج يالغلا ويفرج هم كل مسلم امين