السلام عليكم ورحمة الله وبركاته …. اخواني الاعزاء ارجو منكم افادتي … عندي مشكله ولم اجد لها حل الى هذه اللحظه .. سيارتي نوع استيشن ديزل 2003 اخذتها كي اسافر بها ومن ثم بيعها ولكن وهيه واقفه في الباركن صارفيها شورت وصار فيها حريق بسيط في جزء من ظفيرت قدام عند المكينه الجزء الايمن بالظبط الجزء الي فيه فلتر الهواء وماقلت الا لاحول ولاقوة الا بالله انا لله وانا اليه راجعون … المهم صرت وأخذتها عند كهربائي الي اعرفه انه كهربائي ممتاز ومن ثلاثين سنه وهوه في ابوظبي يشتغل كهربائي وركب لي وايرات جديده بدل الي انحرقت وكل شي اكيه وشتغلت السياره ولكن المفاجأه انه الطبلون مشتغل .. اقصد بالطبلون الي هوه العدادات الكيلو متر ومؤشر الحراره والوقود و.. الخ … وشتريت عداد جديد يابوه لي من البريمي ب 1300 درهم وركبته ومشتغل !!!! ونا مسافر وماقادر اسافر بها الحاله ونتو تعرفوا مدى خطورت ها الامر … حاول الكهربائي وماكو فايده بالرغم من انه الكهرباء بتوصل الطبلون يعني لما احط مفتاح السياره وبدأ بالتشغيل تظهر عندي كل الاشارات في الطبلون اشاره الهاند بريل وال abs مال البريك والبيتري وكل شي يعني انه الكهرباء بتوصل لطبلون ولكن مابتشتغل المؤشرات … وأخذها الى المصفح الدانه تريد وجلسوا يشيكوها 3 ايام تصدقوا !! وفي النهايه ماعرفوا شسالفه …!! وقالوا تبي ظفيرة قدام كامل نطلبها لك من اليابان وعقب انركبها ونشوف لوما اشتغل الطبلون انبدله !! يعني مش عارفين بالظبط اين العطل !! وهذا راح يكلفني وقت وبيزات وايده … والسياره وايد مخسرتني .. فا شورايكم وهل تقدروا اتدلوني على كهربائي ايصلحها … وشو رايكم انتو بالسالفه .. انتظر ردكم بفارق الصبر … علماً اني اخذتها عند كهربائي آخر ونفس السالفه ماقدر يشغل الطبلون …
9 thoughts on “ارجوكم ساعدوني شاب راسي من سيارتي”
Comments are closed.
اخوي افحص كمبيوتر السيارة
وحاول تركب واحد ثاني تجريبي يمكن العطل يكون من داخل الكمبيوتر
صارت لي هالسالفه قبل ويمكن نفس الشي عندك والسموحه
فك عمرك وبيعها سكراب …..
لعوز الدنيا هالستايل يروح قسم ثاني !!!
حبيبي سير الصناعية أو بالاحرى عند اللي يبيعون قطع غيار وارد اليابان.. بتلقى عندهم مكاين ديزل بالهبل مال الاستيشن… روح عندهم واشتر ظفيرة كاملة.. وماراح اتكلفك اكثر من 1000 درهم
وبخصوص الكهربائي .. صحيح عنده خبرة كبيرة .. بس الديزل شي و البترول شي ثاني كهربة الديزل 24 والبترول 12.. وانصحك بعد ماتشتري الظفيرة اتودي سيارتك عند اي كراج يصلح تريلات… وان شاء الله بتروح المشكلة قرننننتي
اشكرك على الرد اخوي وياريت تدلني على حد معين … بس انا سرت اليوم عند واحد وقالي مافي كمبيوتر يقدر يجيك عطبلون … وزيدك من البيت شعر انا سرت فرع وكالة لبريمي الي فالمصفح الي اسمها ديناتريد وتصدق ثلاثه ايام وهم يفحصوا بها الكهرباء وآخر شي قالوا تبي تبديل الظفيره مالت قدام كامل وقالوا يبالها طلب من اليابان وعقب اسبوعين او ثلاثه توصل ونركبها ونشوف وعقب لو الطبلون مشتغل نغيره يعني هم بروحهم مافاهمين شو الي خربان .. هاي وكاله !! قلت لهم جيكو عطبلون بالكمبيوتر قالوا ما يتجيك علكمبيوتر ….. هاي السالفه الي صارت .. وقلت لهم انا صلحو انتو الوايرات الي اتشكو فيها … قالوا حنا مانصلح بس نركب .. وصدقوني اخواني هاي عماله فاشله والله مايفهموا شي الا تبديل وبس … وطلعت سيارتي امس من عندهم …….