السلام عليكم ورحمه الله وبركاته…
مساكم الله بالخير يالغالين…
بصراحه قبل يومين رحت العياده سويت فحص طلع فيه كلوسترول ودهون بعيد عنكم يارب…
طبعااا طبيعه عملي ماتسمحلي اطلع واسوي رياضه…
ياريت حد ينصحنا شو احسن الات واحسن الانواع ووين ينباعن وسعرهن حلو…
او اذا حد عنده ويبا يبعها وتكون نظيفه حاضرين…
انتظر ردكم…
اخوكم…راعي الهمر…
أنا نزلت عشرين كيلو من وصفة في احد المنتديات و الوصفة ما فيها شي و ما اتخوف كل الموجود فيها اعشاب طبيعية و نستخدمها كل يوم
زنجبيل و ورق نعنع أخضر و يانسونوشاي أخضر قبل اي وجبه بربع ساعه و انشاء الله شوف النتيجة بعد شهر.
وانشاء الله بالشفا.
الله يشافيك ان شاء الله
و بالتوفيق ان شاء الله
جدولك حلوو اخوي ” فقط ”
HUMMER_2010 اذا انته ماتقدر تطلع او ماعندك وقت عشان تسوي رياضه خارج البيت
خذلك آله المشي من التنين .. وخذلك جهاز سونا .. موجود هني فالمنتدى بـ 300 درهم واايد مفيد ومهم وبيريحك وايد واستعماله سهل
امشي على الآله ( 30 – 35 ) دقيقه مثل ما قالك اخوي فقط .. ويفضل يكون فمكان جاف شوي عشان تعرق اكثر ..
بعد ماتخلص .. جهز السونا .. نشف عمرك عدل واقعد فيه من 10 لـ 15 دقيقه ( 3 – 4 مرات فالاسبوع ) .. وبعد ماتخلص اهم شي اهم شي اهم شي تشرب ماي عشان تعوض السوائل الي نزلت منك
ولازم فاليوم تشرب بمعدل غرشتين من الكبار .. لا تستهين بالماي لانه اهم شي
وبالنسبه للاكل ماقصرو الاخوان .. وعليك بالتونه .
ونصيحه لا تبدا رجيم قوي من البدايه .. خلك بالتدريج عشان تعود عمرك .. لو بديت قوي من البدايه بتمل وبتتعب
ان شاء الله تلاقي نتايج طيبه
والله يشفيك ويعافيك وماتشوف شر