ارجو كل من له صله فالطيران او خبره بالدخول(( كليات الطيران وطيران الاتحاد))

28 thoughts on “ارجو كل من له صله فالطيران او خبره بالدخول(( كليات الطيران وطيران الاتحاد))”

1. مرحبا uae865

   ماشالله داخل حامي علينا . السموحه طولت عليك كنت مسافر و رديت . ماشالله من احينه تتخبر عن اذا تروم تشل الحرمه ^_^ اصبر لين ما الله يكتب لك و تتوظف انشاله و كل شي فوقته حلو .

   انا بكتب لك كل الي اعرفه بس ترى عليك عشى لي و للريال الثاني الي كفى ووفى بخصوص التدريب فالعين .

   الحين اذا انشاله انقبلت اول شي

   1– بتدخل كورس مكثف انجليزي في حالة كانت اللغه عندك والله انها . اما في حالة كانت اللغه و الفيزياء و الرياضيات جيدة وانا ارمس عن اشياء بسيطه مب معقده . بتدخل دورة مكثفه عن اساسيات علوم الطيران الي هي
   , Aearodynamic’s , Commnitaction, Weather, Human factor’s, engine and airframe
   وكم من ماده اخرى . بتاخذها بشكل مبسط
   
   2- تقريبا مدة هذي الدورات من 6 شهور الى سنه . يعني حسب المستوى الي تنحط فيه . ومكانها مبنى طيران الاتحاد الي عدال مطتر بوظبي مع توفير السكن للطالب ( Cadet pilot) شرط يكون مب من ابوظبي.

   3- بعد ما تخلص بتسير كلية الهورايزن فالعين عشات تجمع ساعات الطيران و تحصل على اللياسن و هي بالترتيب

   Privet pilot licenes
   Insturement Rating
   Commercial pilot licenes

   الراتب يترواح من 6500 اول ما تبدى الى 11000 يوم تسير العين

2. وياليت تفيدوني بالذات عن هالمعلومه يااخواني صح ولا

   اذا كان طيار او مساعد طيار

   يستطيع يصطحب زوجته معاه فكل رحله مجانا

   صحيح هالكلام ام لا اخواني

   ياليت تفيدونا

3. تسلم وعساك بالقوه ياخوي احلى اماراتي1

   اشهد انك ماتقصر ويزاك الله الف خير وماتقصر صراحه

   ونتريا اخبار من اصحاب الخبره اكثر واكثر

   الي يعرف وممكن يفيدني؟

   لدى طيران الاتحاد بعد التخرج من كليه الافق على طول استلم وظيفه ولا؟

   مساعد طيار كم راتبه لديهم وشو الامتيازات والبونسات وهالسوالف؟

   ياليت لي يعرف اكثر عن الوظيفه يفيدنا

   والسموحه

4. اخوي الدورة في معهد الافق مدت الدورة من السنة الى سنتين ثم التخرج وتحصل على ليسن تجاري ودبلوم في الطيران ثم ترجع الى الشركة الام وهي طيران الاتحاد ويعطونك دورة خارجية في استراليا او في امريكا واسم الدورة تحويلية في انواع الطيارات الاتحاد مدة الدورة التحويلية 3 اشهور على الاجهزة اللى في طيران الاتحاد ثم تتم فترة من سنة ونص الى سنتين بتكون في هاذي الفترة مساعد طيار ويحسبون كم ساعة عندك في الطيران وعقب تستوي طيار بأذن اللة اما بخصوص الراتب اللي تستلمة من طيران الاتحاد وقت الدورة ما عندي فكرة عنة
   والسمووووووووووووووووحة منك يا الغالي

5. اكيد ياخوي الزمان تغير والتكاليف ارتفعت اكثر

   ياليت من اصحاب الخبره يفيدونا

   والسموحه

Comments are closed.