السلام عليكم ورحمه الله وبركاته
شحالكم عساكم بخير وسهاله
اخواني اعضاء المنتدى الغالي
عندي كمن استفسار وقلت مالي غير منتدانا الغالي الامارات للارواق الماليه وطبعا اكيد موجودين ويانا طياران وغيره وناس لهم صله فالطياران وطيران الاتحاد ومعلومات وخبره واكيد ما بيقصرون
اسال بالذات عن كليات الطيران عدنا فالدوله
وعن كليه الافق فالعين
وعن طيران الاتحاد معاها
عن طريقه تكون الدراسه عحسابهم مع راتب شهري للطالب وبعدها الوظيفه مضمونه ؟ صحيح هالكلام؟
وكيف اقدم من طيران الاتحاد عندهم واضمن وظيفتي وشو الوظيفه؟
ياليت من اصحاب الخبره الرد وعندي استفسارات اكثر
والسمووحه
اسمحولي يا اخواني طولت عليكم
بس ياليت تفيدوني عن اهم شي واخر شي
هيه كيف تكون حياه الطيار او مساعد الطيار يعني
كيف يكون وقت الدوام ووقت الاجازه واوقات الدوام كم تستغرق وكم الفتره بين رحله والثانيه وكم رحله فهالشهر
واريد معلومات عن هالموضوع
ياليت لي عنده علم يفيدني
كلامك حلو الصراحه وايد عيبني
الله يوفجك ان شاء الله
افا عليك الشيخ . لو في خاطرك شي ثاني بعد حاضرين
اخوي المحال
صراحه
كفيت ووفيت يزاك الله الف خير
اشهد انك ما قصرت يالغالي مثل هالمعلومات لي ندورها والله
خخخ هيه والله ياخوي لازم اتسأل عن كل شي وشي
وصارلي فتره طويله والله وانا اسال عنهم ومحتار اقدم ماقدم
بس يزاك الله خير عهالمعلومات الطيبه وما تقصر
وافا عليك العشا اكيد عحسابي بس الشمس قامت تشرق قربو عندي باجر ههههه
تسلم صراحه ماتقصر
ويزاكم الله خير
المرحلة الثانية
الحين يوم بتخلص من الهورايزن و تاخذ اللياسن . بتسوي كورس اسمه ATPL
Airline Transport Pilot License
مدته 6 شهور تقريبا و عقبها بتسوي امتحان في ال GCCA الي هي هيئة الطيران المدني فالامارات . امتحان مب بسيط ولا صعب يعني لو ذاكرت له بتخطفه بسهولة .
عقبها بيصير التالي على حسب ما فهمت من الاخوان هناك . بتبدأ flight simulator او الي يسمونه الطيران التشبيهي على الطيارة الي تكون الشركة محتاجه طيارين فيها و ما عندي خلفية اذا يخيرونك ولا لا اما بوينج او ايرباص . بس كلهن شركات كبار وكل طيارة لها مميزاتها . التدريب بيكون ممتع بس انا الي اعرفه انه الاتحاد يملك اجهزة سيميليتر فالدولة او يسيرون يتدربون في سيميليترات الشركات الاخرى داخل الدولة . يعني ما اتوقع يكون خارج الدولة . المهم اذا خلصت تبدى مرحلة ال translation. يعني التحويل من طيار تجاري الى طيار نقل مسافرين و تبدأ تتعلم مبادئ و قوانين الشركة بحذافيرها . و يسمونك seconed officer و تبدأ تطير رحلات قصيرة في كرسي المراقبة . يعني كابتن و مساعد و انته observation flights
وتسوي عدد رحلات معينه لين ما يبدون تدريجيا ينقلونك لكرسي المساعد .
الراتب في الفترة هاي حوالي 28000
اما عن التذاكر و اذا تقدر تشل حد حسب قانون الشركة . بس فيه تذاكر الانتظار . رخيصة قيمتها 10% من قيمة التذكرة و تكون للموظفين وهلهم يعني يسيرون المطار و اذا فيه كرسي فاضي قبل الاقلاع بساعه يدخلونهم اما مجانا الشيخ هاي يديدة لا تنسى انه هاي شركات ربحية مافيها بلاش . طبعن فالمواسم يكون صعب تحصل هالنوع . اما السكن برع عادي يسكنون معاك . كل شركة طيران لها قانون ممكن اذا قبلوك تطلب نسخه من قانون الموظفين و تقراه
بسك معلومات يا ريال توكل والله يكتب خير