ارجو كل من له صله فالطيران او خبره بالدخول(( كليات الطيران وطيران الاتحاد))

28 thoughts on “ارجو كل من له صله فالطيران او خبره بالدخول(( كليات الطيران وطيران الاتحاد))”

1. ويا اخواني سمعت انه كل طيار وطيار مساعد

   له عدد ساعات فالشهر لام انه يحصل عليها وعقب ممكن ما يسافر فهذا الشهر صحيح هذا الكلام

   ارجو من اصحاب الخبره الافاده

   الصراحه اخوي المحال ما قصر وياك جاوب بكل شي

   بس عندي تعقيب لكلامك

   الطيار عنده عدد ساعات فالشهر لازم يطيرها بس ما اعرف بالضبط لاكن على كلام اخوي المحال 90 ساعه

   وعلى كلام طيار قالي انا ايلس اسبوعين فالبيت

   اضغط جدولي وكله رحلات طويله ويخلصهم بسرعه و ييلس فالبلاد اسبوعين فالشهر كانهم اجازه

   لاكن انا اتكلم عن طيار صارله 7 سنوات يطير ما اعرف عن الي توهم داخلين الشغله هاي
   

2. هلا اخوي

   بخصوص طيران الامارات الحين ماشي دفعات و تقدر تقدم لاكن بتبدأ الاختبارات في شهر 7

   بتكون كالتالي وخلنا نفرض ان المقدمين الف طالب

   – امتحان انقليزي و فيزياء ما في ابسط منهم ( 80٪ بيعدون هالامتحان لا تسألني ليش )
   – فحص مبدأي ( نظر و وزن و طول و تحليل بول ـ اكرمكم الله – ) ( 90٪ الي بيعدون هالفحص)
   – امتحان قروب اسسمنت ،، امتحان تكون مع مجموعه من الشباب و يعطونكم قضيه و تحلونها ( اتوقع الكل يعدي هالامتحان لانه بس يشوفونك و تعاونك )
   – امتحان سايكو مترك يكون على الكمبيوتر اسئله تخص الطيران ، الخ و ذكاء ( 70٪ الي بيعدون هالامتحان )
   – مقابله شخصيه ( 40٪ الي يعدون هالمقابله ) و بعد المقابله انت فالسليم بيكون عندك الفحص الطبي و الاخير و الي بيحدد لك آر مرحله
   عباره عن تخطيط قلب ، نظر ، فحص دم . اشعة الصدر ، ولو النتائج ممتازه او عند المعايير بتتأهل لآخر مرحله
   وهي سفر لاستراليا لمدة اسبوعين يشوفون كيف تأقلمك مع الطيران والغربه و بتكون مع مدربين و بتطير 7 رحلات تقريبا

   فالنهايه الي يصفون من الـ 1000 تقريبا 100 – 120 طالب

   والدراسه كالتالي سلو – ميديم – فاست

   وبيتم تقييمك بامتحان

   سلو بتكون دراسة انقليزي من 6 اشهر لـ 9 اشهر وهذا كله على التزامك و نتائج الامتحانات الي ممكن ترفعك او تخليك في نفس الكور
   ميديم 6 اشهر
   فاست 3 اشهر

   بعدها تروح استراليا من 11 شهر لـ 19 شهر وكله على اجتهاادك

   و بعد ما تاخذ الليسن و ترجع البلاد

   دوره مدتها ( ما اعرف بالضبط ) بس تكون سيمليتر جهاز تشبيهي و بعد ما تخلص هالدورات كلها

   تنتقل لـ آخر مرحله وهي تدريب فعلي على الطيارات مده 12 شهر و بعدها تكون فيرست اوفيسر

   ===

   وبخصوص السكن ي دبي في شارع الرقه و يخصمون من الراتب الي ينزل لك

   ^^

   هذا الكلام كله عن طيران الامارات

   لاكن عن طيران الاتحاد ما اعرف ولا كان ودي افيدك

   ========

   و بخصوص التقدين تروح دناتا الي مجابل المطار ،، الطابق السادس قسم التوطين و تقدم الطلب

   لاكن انصحك تقدم على شهر 6 او بعد استلام الطلاب لشهادات الثانويه علشان ما يضيع الفورم مالك وما تتأخر في الامتحانات

   و يوميا احرق التلفونات عليهم علشان تتابع حقك

   ==========================

   و فالنهايه اتمنى لك كل التوفيق

   بالفعل مجال الاغلب يطمح له

   و ربي يوفقجك في دنياك و دينك

3. يزاك الله خير ياخوي المحال عهالمعلومات وصراحه ماتقصر وبيض الله ويهك

   بس ياخويه الواحد يسأل قبل ما يدخل اي شي وانا طبعي جيه اعرف كل صغيره وكبيره وخاصه مثل هذا المجال اذا دخلت فيه ووقعت عقب ماشي مجال اتراجع واي وقت اطلع يضيع كل الوقت لي قضيته معاهم

   مب ادخل وعقب ما اتخرج وكل شي اتفاجأه بوقت الدوام والتعب وماقدر اغير شي بعدها خلاص افكر واقرر فيها من الحين ويكون كل شي مدروس ومعلوم فيه

   واشكرك شكر جزيل صراحه عهالمعلومات وفميزان حسناتك ان شاء الله

   ويزاك الله خير

4. مرحبا الشيخ

   ماشالله عليك من وين تجيب هالاسئلة . نصيحة لا تعطي اذنك لكل شي خاصة في مجال الطيران . يعني اذا ما كان مكتوب في مكان فهو غير صحيح . انطباعي انك وايد تسمع للناس شو يقولون وتنا تتأكد ^_^

   بالنسبة للأسئلة . اذا كنت من هواة الدوام الروتيني فما انصحك بالمجال هذا . انا من الناس الي ما احب الروتين فتجهت لهذا المجال .

   المهم بالنسبة لحياة مساعد الطيار فهي حلوة و سهلة . مميزاتها انك بتشوف اهلك اكثر من اول و بتخلص امورك . يعني لو كنت مسافر رحلة قصيرة او turn around يعني تطلع الصبح و ترد في نفس اليوم عصر او مغرب بيكون عندك يوم الى يومين اجازة . طبعن انا اتكلم عن 80% من الحالات . يا تقضيهن فالبيت يا تطلع تخلص معاملاتك اذا كانت عندك اشغال . ولا تطلع انت و اهلك ولا حتى تسافر يومين تغير جو او عمرة. افضل ما يكون دوامك روتين و كل شوي معتذر عندك شغل . ومرات يكون عندك الى 4 ايام متواصلة اجازة . يعني من الاخر بتحصل لك ما يتراوح بين 12 الى 16 يوم اجازة فالشهر . و رحلاتك تتنوع ما بين مبيت و بين ذهاب و عودة في نفس اليوم بس اول سنة الى سنتين طيران بتكون معظمها ذهاب و عودة . ترتيب جدولك بيكون عن طريق الشركة و يكون فيه مجال تبدل رحلات ويا ربعك او اذا لا سمح الله مرضت تتغيب بعذر.

   اما عن ساعات الطيران فهي تقريبا اذا ما خانتني الذاكرة

   29 فالاسبوع
   90 فالشهر
   900 فالسنة

   بس لا تخاف . ما اظني بتوصل اي وحده منهن . لانه جداول الطيران وايد مريحه .

   انت توكل الشيخ و لا تعطي اذنك لحد . واذا دخلت الشركة بتعرف هالامور تلقائيا .

   الاسئلة هاي شيخي مب وقتها الحين . انت تتكلم عن 4 سنوات جدام و صدقني لو الوظيفة مب زينة ما لقيت الاجانب يتمنون فرصة مثل هاي و يحسدونك عليها و انشاله يوم بتخلص بتحس بكلامي

5. ويا اخواني سمعت انه كل طيار وطيار مساعد

   له عدد ساعات فالشهر لام انه يحصل عليها وعقب ممكن ما يسافر فهذا الشهر صحيح هذا الكلام

   ارجو من اصحاب الخبره الافاده

Comments are closed.