السلام عليكم ورحمه الله وبركاته
شحالكم عساكم بخير وسهاله
اخواني اعضاء المنتدى الغالي
عندي كمن استفسار وقلت مالي غير منتدانا الغالي الامارات للارواق الماليه وطبعا اكيد موجودين ويانا طياران وغيره وناس لهم صله فالطياران وطيران الاتحاد ومعلومات وخبره واكيد ما بيقصرون
اسال بالذات عن كليات الطيران عدنا فالدوله
وعن كليه الافق فالعين
وعن طيران الاتحاد معاها
عن طريقه تكون الدراسه عحسابهم مع راتب شهري للطالب وبعدها الوظيفه مضمونه ؟ صحيح هالكلام؟
وكيف اقدم من طيران الاتحاد عندهم واضمن وظيفتي وشو الوظيفه؟
ياليت من اصحاب الخبره الرد وعندي استفسارات اكثر
والسمووحه
عندي لك شي مهم جدا جدا جدا
الطيران و خصوصا وقت الدراسه لازم تكرس وقتك للدراسه بس ،، يكون بالك و ذهنك للدراسه بس لا تشله بشي ثاني
طيران الامارات يعطون فرصتين للطلاب لو رسب مره يعيد المره الثانيه بررع ومالك حق بالاعاده
واضني يطلبون منك ترجع لهم كل الاشياء الي صرفوها لك ان ما خاب ضني
==
وعمل الطيارين بخصره بكلمتين
غير روتيني
يعني انسي الرتين و نشة الصبح و رجعة الظهر
يعني توقع اي وقت تطير الصبح الظهر الفجر ،،، الخ
انا اشوفه شي عظيم لاكن غيرك ما يعبرونه مثل الي قالوا دريول وهني تحقق مقوله ( الي ما يعرف الصقر يشويه )
فاتمنى قبل ما تخطو خطه تفكر عدل
لا تفكر في الاوفرات ولا شي لا تعيش عمرك في احلام ولا في الوناسه والسفر والبدلات … الخ
فكر في الحوادث لا سمح الله
فكر في الايام الي بتقضيها من دون اهلك << مب يوم ولا يومين وما اتكلم عن شهر اتكلم عن طول عمرك وقت شغلك كم يوم بتتغيب عن اهلك
فكر في اي شي يصير لك و ويوقف المهنه لك مثل حادث لا سمح الله ،، كسر ،،، الخ كثير من الاسباب الي ممكن تحرمك المهنه
فكر و فكر
خل الاشياء الزينه آخر تفكيرك
————-
وهاي نصيحه بعد
لو حد مدح لك الطيران وانت استانست عل مدحه وقلت يلا طيران طيران ،، فانا اقولك لا تدش
لانك بتعوف شي اسمه طيران
ادخله عن يقين وو انت تحب هالشي
واسمحلي عندي رمسه وايد لاكن ملزوم اطلع ،، واي شي في خاطرك قوله
ابراهيم الشامسي
كيفيت ووفيت يا طويل العمر وماتقصر بصراحه
اولله فكرت فطيران الامارات انا
بس عندي شويه مشاغل وظروف ما تسمح لي اني هالفتره ايلس برع البلاد واطول
وربك كريم
لاكن ودي اعرف اكثر واكثر كل شي عن عمل الطيارين وعن طيران الاتحاد
ويزاك الله خير
احمسك شوي ^^