السلام عليكم
في موضوع بصراحه احس انه غلط وهذا رأي الشخصي
وارجو من الاعضاء انهم مايزعلون مني …
اللي هو .. البيـــــــــــــــــــــع (( ومن غير تحديد ))
ليش الواحد يوم يعرض بضاعته شو مايكون نوعها .. يكتب بعض المعلومات ويخلي بعضها والاهم السعر !!
ليش يا اخواني ماتكتبون كل الملاحظات عن سلعتكم الي تعرضونها واهمها السعر .. الاغلب صار يكتب للطلب ابعث رسالة باسمك + عنوانك + رقم الاتصال بك …. انزين كم سعر السلعه المعروووووووضه !!
لازم يعني اطول السالفه عشان اكتبلك … كم السعر وغيري يكتبلك السعر عالخاص لو سمحت والاخر يقولك اتصلبك بس ماترد …. ليش هالمماطله .. وبصراحة مب هذا اسلوب البيع الحقيقي ..
ارجو من الاخوان وانا اولكم ان نتقيد بشروط البيع ..
في حالة بيع اي سلعة كبيرة او صغيرة .. ارجو والكل يرجو ان تكون كل المعلومات واضحه وكاملة للجميع وذلك ليتم البيع بصوره واضحة للجميع ..
وانا آسف على الاطاله .. واذا في اي تعليق او اتقاد من الاخوان خلونا ننقاشه جميعاً
للوصول الى الحل الامثل ..
شكراً
والله صدقت انا عن نفسي اظايق من جيه اهم شي السعر
والي له رزق بياخذه
مشكور يالشيبه على هالموضوع الهادف واتمنى من الأعضاء التقيد بهذي الأشياء بس عندي إضافه بسيطه ليش بعض الأعضاء يحطون البضاعه ولا يحطون ارقامهم؟؟؟؟ علا الأقل حط رقمك !!!!!!! (لا يقولك اذا تبغي راسلني عالخاص).؟… ومشكورين على هالموضوع مره ثانيه
ان شاءالله الكل يلتزم
وانا الحمدلله اكتب كل المعلومات عن البضاعة اللي اعرضها ومع الصور بعد
السلام عليكم
كل اللي قلته صح اخوى .. والدليل انك حطيت الاسباب ك النوع والقياس والكميه ومكان التسليم وفترة التوريد … يعني مثل هالبضاعه لها وضع خاص و انا معاك ((بس حطيت الاسباب)) في هالحاله الكل بيقدر الوضع بس بشرط في طريقه للتواصل والرد السريع ..
بس شرات سين من الناس يعرض على سبيل المثال سيارة للبيع نوعها كذا للاستفسار يرجى الاتصال !!
يا أخي هالمنتدى في اخوات معانا فكيف بتتصلبك ع الموبايل ؟؟
وثاني شي ليش تخلي كل واحد يسألك سؤال … 1 كم ماشيه .. 2 شو الاوبشن .. 3 شو لونها .. 4 .. فيها صبغ ؟ .. 5 فيها شاشه .. 6.. الليتات زنون .. 7 .. كم سلندر .. 8.. كم مره ضربت هرن .. 9 .. كم واحد من ربعك ركبو السيارة .. 10 .. آخر مره متى حجيت شعرك بالسيارة … ( اسمحلي من القهر )
وهذا بعد اذا تكرم ومل منك عشان يرد عليك .. بس والله مب الكل .. حد منهم والله والنعم
الزبده من كلامي انه لكل بضاعه لها طريقه في التسويق …
شكرا
يجب على البائع ذكر مواصفات سلعته والسعر ليكون الشاري على بينه من هذي السلعه
ويشترط البائع بأن تكون البضاعة كما هي معروضة في المنتدى ولو تبين غير هذا الكلام يتحمل إرجاع السلعة من الشاري
ويجب على الشاري الجدية في الشراء وعدم بخس السلعة
وبالله التوفيق