السلام عليكم
شو اخباركم شباب عساكم طيبين
المهم
شو سبب ارتفاع الارقم بشكل رهييييييييب
سبحن الله
ووجود طمع بعض التجار اللي رفع الارقام
يا جماعه انتبهو ترااا الارقام ارتفعت اسعارها وايد
يعني ماشي دوله في العالم تهتم في الارقام الا شراتنا
عجييييييييب حالنا
وانا اللي اعرفه الارقام المميزه هيي الارقام الحكوميه والارقام الاحاديه يمكن تكون ثنائيه
ارجو الانتباه من البعض ((((الا هو حديد تركبه على سيارتك))))
يعني مثلا الثلاثي قبل شهرين كان على 200 الف
والحين واصل 300 الف غرييييييييييبه يعني خلال شهرين ارتفع الرقم 100 الف والرقم في تزايد
يعني اركبلي رباعي مرتب ولا ثلاثي منقع
السموحه في ناس كثير بيزعلون من موضوعي
بس ارجو الانتباه يا جماعه
((((((دايما كلمة الحق ينزعل منها))))))))
و منو قالك ان كل شي تسويه الحكومة حلال !!
الخمور + أسهم الشركات الربوية + والبنوك الربوية + الرشاوي .. الخ الخ الخ
محد جبر الناس وقالها تسير تشتري أو تتعامل وياهم
واللي دفع (10 و25 و50 مليون) عشان رقم هل كان بيدفع مليون واحد عشان فقير أو محتاج .. !!؟
يمكن يطلع .. ما نقدر نظلم حد ولا نحط في ذمتنا
بس هذا اللي دفع هالمبالغ عشان رقم أو لوحة حديد.. لو طلع زكاة أمواله ما أظن بيكون شي فقير فالامارات ( تخيل كم بيكون الرقم!! )
يعني عشان حديد ومظهر وبيزات زايدة حلال .. وعشان فرض (الزكاة) استوى حرام!!! عجيبة هالدنيا وغريبة
وجهـــة نظـــر
صـــح إلا هي لــوحه حديـــد تتعلــق كديكــور للمركبه ..
صــح انها لا تحتــوي على اي فـايده تــذكر ….
ولكـــن ها اللواحات ليــست اجبــاريه من قــبل الحكومه ….
يعــني ،،،،،،
الحكــومه مب جابــره الشعــب انهــم لازم يشترون رقم مميز ….
الشخــص نفســـه هو اللي يــروح ويبحــث ويدور ويبا يشتري ….
اللي يبا رقــم مميــز ويبــا يتخقق ويتدلع ويراوي الناس ان عنده بيزات زايده ..
خلــه يشــتري الرقــم اللي يبــاه …بالسعـــر الخيــالي اللي يبـــاه ….
واذا ها الشــي حرام شرعــا ..كمــا يشــاع من قبــل البعــض ….
فلمـاذا الحكــومه تنظــم مزادات على المــلاء ……ابا حــد يجــاوبني …؟؟؟؟؟؟
كلنا ضــد الغلاء الفــاحش بالدوله ..وارتفــاع اسعار كل شي بالدوله ……
ولكــن هاي اشيــاء تكميليه مظهــريه للي عنده بيزات زايده ………
واللـــي معــارض بيــع الارقــام ……..مب مجبــــور انــه يشتري ..يحط له اي رقم منقع ….
والسمـــــوحه ع القصــــــــــور …..
وجــهت نظـــر ،،،،،،،،،،
=============
يعني ماشي دوله في العالم تهتم في الارقام الا شراتنا ,,,,,
لافي اخوي عندك السعوديه وقطر يمكن اكثر منا بعد وفي بعض الدول الاجنبيه
بس اهتمامها في الارقام المميزه جدا
يعني مثلا الثلاثي قبل شهرين كان على 200 الف
والحين واصل 300 الف غرييييييييييبه
300,000 !!
قول 320 او 330 وماتحصل بعد ..
ورد اخوي dubai4ever مقنع وهذا الي اتوقعه
كثرة الطلب قلت العرض الارقام الثلاثيه في دبي بما انها اكثر اقبال , مثلا كلها
من كود D خلنا انقول عسب اول ارقام انباعت فالمزاد لين G الاخير ماتوصل 4000 رقم !!
ولي عنده مايبا يبيع ولي يبا مايحصل اكيد بيرتفعن اسعارهن
4000 رقم ثلاثي دبي بس فالامارات كلها وعدد سكانها مليونين تقريبا هذا مايمثل شي بتواجد عدد كبير
من التجار والهوامير .. يعني الحين ولد تاجر اليوم حصل ليسن وطلع له سياره كاشخه يبا ثلاثي
وين بحصل بياخذ من السوق فالسوق هالاسعار بين 330 الى 350 حاليا وهذا الشي يرفع الاسعار
هذا يبا وهذا يبا شو بصير عدنا كثرة الطلب وقلت المعروض وهذا ينتج عنه ارتفاع فالاسعار ..
الثنائي خله ع صوب كله تقريبا 400 رقم فالامارات كلها من حقه يوصل 2,500,000 واكثر
اخوي ارقام دبي هي حسب السوق حاليا اكثر رغبه من اي اماراه ثانيه حسب خبرتي فالسوق
مال لفجيره يتصل يبا ارقام دبي مال بوظبي يبا ارقام دبي
مال شارجه مال راس الخيمه اكثر اقبال من الامارات الثانيه ,,
والسبب انه مب من يوم ويومين نحن نسمع عن مزادات دبي صار لنا اكثر عن 10سنوات
وصح كلامك انا ماقول كل الارقام اسعارها اوكي لا لا في ارقام ارتفعت واايد
واسعارها صار مبالغ فيه لانها كانت ارقام عاديه في يوم والايام بدون اي قيمه ,,
واما الثنائي والثلاثي لا لا اسمحلي ان شاء الله ماعليه خوف ويمكن اتشوف ارقام احلى
بعد 6 شهور ..
ولي رجعه ان شاء الله
ناقص الهواء اللي نتنفس منه يسوونه ب بيزات (عداد يحسب) !!
اذا ما تدفع تموت !!
الله كريم