ارقم مميزه
رقم جواز ثنائي للبيعXX .. السعر 50.000 درهم غير قابل للتفاوض
رقم ليسن للبيع ثلاثي YYYالسعر 80.000 قابل للتفاوض
ملابس داخليه للرجال مع رقم مميز XXXL مطلوب فيهن 35000 الكميه محدوده . الجديه في الموضوع
بطاقه هويه مع رقم مميز يتكون من دبلات 112233 للبيع 15500 درهم 500 للنقل لشخص ثاني
نزل جل معقم + مرطب لليدين وهوه مطلوب حاليا و خالص من السوق مع سير نمبر وايد فنان
7777772 لاعلى سعر تدرون ماشي منه وايد في الاسواق الحق ما تلحق وخص مع رقم مميز
احلى رقم سياره H1N1 مطلوب لاعلا سعر لان هذا الرقم ذبح لحد اليوم 4 ونص مليون في العالم و العدد مستمر و السعر مستمر
سياره دتسن موديل 1975 بس رقم الشاصي مالها 1 يعني احادي لانها اول سياره اصنعت مطلوب فيها مليون غير قابل للنقاش
حلاق جيد احلا قصات عنده و سعره رخيص 20 درهم شعر و لحيه بس رقمه فنان يتكون 121XXXX
يالي يبى ايحلق عنده يدفع 3000 عشان ايكون زبون
قلم بو نص درهم بس رقم المنتج خطير 7711771177 ثنائي المطلوب 5 الاف درهم غير قابل للتفاوض
ولاعه بدرهم و رقم المنتج 111111119 مطلوب فيها 4500 + مدواخ ابلاش
غرشه ماي مسافي مع رقم المنتج 10000001 للبيع السعر 5800 لان مستحيل اتحصل نفس هذا الرقم
رقم مقص
رقم حذاء و انتم ابكرامه 11 و يوجد 22 و 33 و 44 و 55 كل واحد اسعره و رجاء ماحد يبخص البضاعه
في ساعه ديجتل كاسيو اموقفه على الساعه 00:00:00 يعني رقم ماعليه كلام سعرها الاصلي 35 درهم و مطلوب فيها 40 الف درهم تدرون هذا الايام مافي ساعه نفسها
ارقام
سيريل
بن كود
رقم بريد
رقم فانيله
و
و
و
ما اتلاحظون انا وصلن لدرجه الغباء و التخلف و التكبر وكل هذا تحت مسمى التمييز لاعت اجبودنا من هذي العروض السخيفه
و اكثر يالي ايبيع هذي الاشياء صدقوني ما يقدرون يستخدمون هذي الاشياء لانهم مش قدها او انهم هم من يرفعون و اينزلون الاسعار و ناس ما عندها سالفه .. خلكم اشوي راقين متثقفين متعلمين وصلن لحاله من الجهل والركود والكسل . صار اعتمادنا على الغير.. كل شي صار مميز و صدقوني يالي اتحصل هذا عنده رقم مميز شوف كيف حالته او درجه علمه تلقاه يا اما جاهل او شخص تافه . الناس وصلت القمر صنعت صورايخ كل يوم نسمع خبر تم اختراع تم صنع تم اجراء التجارب تم تم . ولحنا رقم , سياره رقم شاصي مخفي عاكس . بذكر لكم موضوع البلاك بيري قريته في المجله ايقولون الشركه شافت ان نسبه بييع البلاك بيري في الدول الخليجيه زادت ف اعتقدو انا اقول اعتقدو ان في صار تطوير في التعليم او التجاره زادت و الوظائف صارت في رقي و بعثم مدير الموبيعات لبعض الدول الخليجيه ليعرف ما سر بيع هذي الكميه من البلاك بيري في هذي الدول مع العلم ان المصنع في اوربا و بيع المنتج في دول الخليج فاق كل التصورات . تعرفون ماذا كان الرد من بعض مستخدمين البلاك بيري
ساله مدير التسويق ماذا اعجبك بهاتف البلاك بيري ؟
تعرفون ما كان الرد البن كود + البلاك بيري ماسنجر 
طبعا المدير كان متوقع ان ايقول مثلا سرعه النت , استخدام الايميل كان احسن , ادراة الشركه عن طريق الايميل او متابعه اشغالي عن طريق الايميل … طبعا قال في باله عرب و التجاره رابحه في هذا النوعيه .. انا ما اتكلن عن العرب او الخليجين كلهم انا اتكلم عن فئه من هذا النوع يبعث عن التميز يبحث المظاهر يبحث عن شي يجعله دائمن جاهلا ولا يهمه غير المظاهر وفي نفس الوقت تلقاه فقير
يعجبني الناس ياالي ايبون افكار جديده ولو حتى كانت بسيطه بس على الاقل شي جديد مش كله تقليد للاخرين
وفي ملاحظه طبعا هذي ارائي الشخصيه
لاحظه اذا واحد حاط بضاعه فب نفس الوقت اتلاقي نفس نوعيه البضاعه ولا بعد نفس العنوان اشكره يعني تقليد اعمى للاعضاء و نفس طريقه العرض يعني تلقى العضو ايفكر و ايصور و ايرتب الامور و في الاخير تنسرق افكاره من خلال طباعه و نسخ و المشكله الثانيه يا ليت لو العضو الثاني يذكر ان هذي البضاعه نفس العضو فلاني لا يكتب بضاعه ولا في مثلها و يكتب العضو اعتبره” السارق للافكار ” احذرو التقليد ..
نعطي مثال الصين صح اتقلد بس تكتب صنع الصين و السبب لان المنظمات اتابع ما اقول كل البضايع لا البعض و اذا حصلت اي شي مقلد و اقصد مثلا الماركات بأساميهم العالميه على طول تتصادر
ولان العضو و اقولها ابصراحه في المنتدا ماله حقوق في بضاعته اعتقد الكل فاهم يعني انا اعرض مثلا ساعه من نوع ما و القاء نفس الساعه و بنفس سعري ولا بعد احذر التقليد .. انزين انا صاحب الساعه و احب استفيد اشوي مالي حقوق .. يقدر الشخص الثاني يعرض نفس الساعه او البضاعه بس ما يسرق الكلام و الافكار و اينسبها لنفسه .. انا مثلا كتبت هذا الموضوع وخذ مني ساعه كتابه بس الافكار يمكن اكثر عن شهر .. ف ارجو من الاداره ان ايكون نوع ما لحفظ حقوق الناشر او ان الشخص اذا حب يطرح نفس الموضوع ان يذكر من العضو او العضوة يالي هوه اخذ الفكره منها … اعتقد التجار و الاعضاء ايوافقوني على هذا الموضوع و يالي اهم هوه التمييييييز و بعدين التنافس الغير حر و الغير شريف
اشكركم جميعا و ادري الوضوع اشوي يباله تفهم
والله كلامك ذهب شـكــ وبارك الله فيك ـــرا لك … لك مني أجمل تحية .
الصراحه كنت ناوي اشتري الدتسن بس اخخخخخخخخخخخخ طلع الموضوع غييييييرررررر
اشكرك ابو صقر ….
ياليت حد ايقول في مكينه اتصنع شي او شي منه فايده هوه يستفيد و الناس تستفيد مش كلام فاضي و اخر شي انتم مثل ما لحنا .. نبى تطور تميز في الاشياء الزينه ..
حتى قلم رصاص ما انعرف انسويه
نعرف الطريقه بس ماشي اراده هذا يالي ناقصنا الاراده و العزيمه
__________________
هههههههههههههههه صدقك والله
كلامك صحيح وللاسف
ناس عايشة ع شي اسمه تميز وياريت لو التميز كان في شي يستاهل.
شـكــ وبارك الله فيك ـــرا لك … لك مني أجمل تحية .
ما اتلاحظون انا وصلن لدرجه الغباء و التخلف و التكبر وكل هذا تحت مسمى التمييز لاعت اجبودنا من هذي العروض السخيفه
كلامك صحيح وموضوعك جدا مفيد شـكــ وبارك الله فيك ـــرا لك … لك مني أجمل تحية .