السلام عليكم ورحمة الله وبركاته

فالبدايه بخبركم عن وضعي أنا متزوج من ثلاث حريم طبعا كلهن من بنات البلاد وما عليه اقصور والحمد لله من كل النواحي وعايشين الحريم مثل الخوات بس ما في بيت إلا وفيه بعض الهفوات ( ملح الحياه ) وفي يوم من الأيام ياني اربيعي وهو متزوج من حرمتين وقالي شورايك تبا تتزوج الرابعه قلتله ليش لا !!!!

طبعا الشخصين اللي متزوج ثلاث حريم واللي متزوج حرمتين ربعي

وهذا حوار صار بينهم وياني اربيعي ياخذ مشوره مني وقلتله الله يسهلك اتزوج دامنك قدرت على ثلاث الرابعه اسهل

شو رايكم لو صارلكم هذا الموقف شو بيكون ردكم

89 thoughts on “اريد اتزوج الرابعه شورايكم”

  1. السلام على الجميع

    وأرحب بالأخوان والأخوات على المشاركات الطيبه

    وأخص فارس بلاجواد ومصمم اماراتي على الاهتمام

    أولا مب أنا اللي متزوج ثلاث هذا اربيعي وريال والنعم فيه بخبركم عنه

    ما شاء الله عليه الريال امسكن ثلاث حريم في بيت واحد طبعا كل بيت له خصوصيته وبعدين مب مقصر عليهن من كل النواحي كل يوم عند وحده حتى في النفقه والمبيت

    مره كنت طالع وياه ودخلنا محل مكسرات وشترى 3 كيلو كل كيلو في كيس قلتله ليش قال العدل بين الحريم

    ابصراحه أنا اغبطه ريال ما عليه كلام من مب مقصر من كل النواحي الحريم والعيال

    وبخبركم كيف طريقة زواجه من الحريم الثلاث

    انقفض أخوي لااتبطي علينا عشاان ناااخذ حذرنا

  2. اممممم في الهزمن الريااااااال ما يقدر ياخذ الثانيه والثالثه والرابعه

    اوووكيه بنقووول عنده فلوووووس ويقدر يعدد

    الريال بهالوقت يفكر في نفسه اذا تعدد لانه الحرمه محتاااجه ريااااال يوقف معاها بكل الاوقااااات

    واذا ما حصلت الرياااااااال اللي بس همه غريزته وماخذنها ومخلنها في البيت لا يدري فيها اتووووقع انه الحرمه بتخوووون زوجهااااااااااا الا من رحم ربي وباهالزمن الخيااااااااااااااااانه الزوجيه صايره وااااايد

    ومبرووووووووووك عليكم الخيااااااااااااااااانه والسبب الرياااااااااااااااااااااااااااااااااال هب معطي الحرمه حقوقها

    خذ وحده وكون معاها كانكم شخص واحد ومنقسمين بلا تعدد وبلا وجع راااااااااااااس

    هذا رايي الشخصي

  5. مع اني قررت عدم المشاركة في المواضيع الجدلية الأزلية
    لكن بساطة الطرح والنقاش دفعتني أن أستجوب
    اخوي مصمم اماراتي
    فارس بلا جواد
    وكل من يؤيد التعدد بقوة

    1.ماهي تداعيات الزواج من ثانية ؟

    وبعدها نكمل النقاش

Comments are closed.