السلام عليكم ورحمة الله وبركاته
فالبدايه بخبركم عن وضعي أنا متزوج من ثلاث حريم طبعا كلهن من بنات البلاد وما عليه اقصور والحمد لله من كل النواحي وعايشين الحريم مثل الخوات بس ما في بيت إلا وفيه بعض الهفوات ( ملح الحياه ) وفي يوم من الأيام ياني اربيعي وهو متزوج من حرمتين وقالي شورايك تبا تتزوج الرابعه قلتله ليش لا !!!! 
طبعا الشخصين اللي متزوج ثلاث حريم واللي متزوج حرمتين ربعي
وهذا حوار صار بينهم وياني اربيعي ياخذ مشوره مني وقلتله الله يسهلك اتزوج دامنك قدرت على ثلاث الرابعه اسهل 
شو رايكم لو صارلكم هذا الموقف شو بيكون ردكم
المهم يعرف يختارها مب ياخذ وحده اتخرب حياته ويا الثلاث
ربي يوفجه
انا كنت اتريا هالــــــــــرد من زمان
نقدر نقول انج مقتنعة بالتعدد من ناحية المبدأ و لكن شايفة ان رياييل هالايام مايصلح لهم التعدد
صــــــــــــــــــح !!!
يعني نحن متفقين في المبدأ و الأساس و اتمنى من باقي العضوات الفاضلات انهن يكونن مثلج
في شغلة في بالي و محيرتني !!!
ليش انتو الحريم معتبرين التعدد إساءة !!
وحدة زوجها تزوج عليها تقوم تطلب الطلاق و تخرب بيتها بإيدها
شو كان بيستوي عليها لو اصبرت و تحملت و تراها إلا غيرة و بس ولا شيء ثاني
و الغيرة حق مشروع و لكن بدون التمادي و التعامل مع الرجل كأنه ملكية خاصة
و عشان ما نظلمكن انا كرجل اعترف ان بال المرأة طويل من ناحية الاهتمام بالبيت و عيالها
ولكن ياختي هذا شيء انتوا ماخترعتوه ولا اكتشفتوه
هذي طبيعة بشرية بل طبيعة في كل الكائنات الحية
عمرج شفتي ثور يهتم بعياله اكثر من أمهم البقرة !!!
مستحيل
الله سبحانه و تعالى حط في الانثى كمية كبيرة من العاطفة صحيح جزء منها دموع تماسيح ولكن الجزء الأكبر هو عاطفة حقيقية جياشة و اسألي روحج اختي شو اللي يقعدج في نص الليل يوم الياهل يصيح و أبوه راقد يشاخر، هل لأنج تحبين الولد أكثر من أبوه، لا عزيزتي تكوني غلطانة لو فكرتي جذي، هذا لأن الله حط فيج عاطفة تخليج تتحملين مغادرة الفراش الوثير ولأ كل الحريم لو بخاطرهن تكمل رقادها ولا تنش إلا الظهر ……
لو بتكلم ما بخلص
احسنلي اتم ساكت
أبا أقول رمسه في خاطريييييييييييييييييييييييييييييييييييييه صدق
ايديه تاكلني و الكيبورد يتريا
الرياييل ما يبالهم حريم يبالهم روبوتات حريم !! عشان ما يشعرن ولا يحسن ولا يتوقعن شي من الاساس
يربن العيال+ يسون الواجبات الشرعية وبس
واللي تترياه الحرمة : الاهتمام+ العطف+ الكلمة الحلوة+ الرفقة الطيبة تنسى!! ليش؟؟ لانها ما هي الا لعبة على الرف|!! بيشبع منها و بيتناول الثانية لين ما يكمل الكولكشن ماله
الأسرة: عماد المجتمع تتكون من اب و ام وابناء
كيف تتوقع الحرمة المحطمة من إساءة الرجل انها تربي العيال
وكييف تتوقع انك بتربي على افتراض انك يبت 2 او3 من كل وحدة =12 او 8 ابناء؟؟
اصلن الرياييل وين؟؟ يا المولات… يا الميالس… يا الفنادق.. يا … God Knows where
كيف بتنشىء الأسرة اللي انته اصلن مسؤوول عنها
لا تفهمني يا ريال
انك بتعدل
و بتربي فريق من العيال وانته يالس تغازل في المول؟؟ لا مب ها الغرض من التعدد
انا ما بدخل في الامور الشرعية الواضحة وهي ان الله شرع التعدد لاسباب
ولا تقارنون عماركم بالرسول عليه افضل الصلاة السلام اللي كان يعرف يقدر الحرمة و يعاملها ويتودد لها
اقتدوا فيه عليه افصل الصلاة السلام في الصح ولا تاخذون من الدين اللي تبونه عشان تسندون اللي تبون تسوووونه
يوم بتستوعبون معنى الاسرة
اساس تنشئة الأبناء
مشاركة الام في التربية
تعاملونها ككائن حي تهتمون في مشاعرها و احاسيسها
تيلسون في بيوتكم ساعتين تشاركون اسرتكم وابنائكم يومهم و تنصحونهم وتتشاركون وياهم الرمسة
هاييج الحزة سوو اللي في خاطركم
لانه حتى 2 او 3 او 4 يبن نفس المعاملة سواء هن او ابنائهن
هاذا هو العدل
العدل مع المرأة و مع الأبناء
هممممم
من واقع ها المجتمع الاليم ما اشوف ريال يقدر ايسوي جذه
كلن يركض ورا المتعة وينسى المسؤوليات و الأولويات
الله المستعان
حبيت أشارك بهذه الصورة
1- طريق الحلال … 2- ومستوفي الشروط
نقوله
آلف مبروك