السلام عليكم
اخواني انا ناوي اخذ سيارة من الشارجة من معارض ابو شغارة
اريد اعرف وين افحص السيارة لاني ما ادل وايد في الشارجة واريد افحص السيارة فحص كامل
وهذا رقم تلفوني الي حاب يتعب نفسه وياي ويحصل اجر 0504141405
9 thoughts on “اريد افحص سيارة في الشارجة”
Comments are closed.
السلام عليكم
الغالي في واحد فـ معارض الشارجه اسم المحل ((طلعت)) ريال كفو و النعم ودومي يوم ابا اشتري سياره ولا حد يتخبرني عن فاحص ادليه عليه …
ايلسك انته و راعي السياره و يقولك شو الأشياء المختربه و الي في بداية خرابها … جدام راعي السياره … ويوم تعرف هالشغلات يحددها لك .. وتتصل كم سعرها و تقصها من سعر السياره ….
خذ رقم الريال من الإستعلامات .. و ان تلعوزت ولا شي اتصلي و فالك طيب
اخوك بوجاسم
0507020567
أنا قبل اشتريت سيارة من المعارض وارد امريكا اشترطت عليه اني افحصها في محطة تشجيل دبي لو نجحت بشتري … وافق الريال وخذيت السيارة بالونش وفحصتها ….. مال التسجيل شكو بأنه السيارة متعرضة لحادث عند العامود قالوا بطل الكورات وبطل الكراسي إلي ورى …… صاحب المعرض خاف قال برجع السيارة المعرض قلت تبا تبيع خل السيارة واقفه في التسجيل لين باجر انا بيب واحد يبطل المطلوب وبنفحصها دامك متأكد من سلامة السيارة ليش خايف ههههههههه وحليله تم متردد عقب وافق وفحصناها الحمدالله طلعت سليمة ومشت ……. بس بعد سنه ضربني فضول طلعت تقرير عن حالة السيارة من امريكا طلع صح كانت متعرضة لحادث ومصلحة عند الباب الخلفي نفس المكان إلي كانوا شاكين فيه ومشت عليهم
احسن فص هو فحص الكراجات … يفحصون القير والمكينة بالكمبيوتر ……. وشيكلك انه السيارة مب غرقانة …. عند كراج مكة الشارجة
في كراج ماذكر اسمه بس اندل مكانه يطلع لك تقرير بحالة الشاصي ويطلع لك رسم بياني بمخطط الشاصي … إذا كانت عليه نقاط خضرة يعني قياساته سليمة إذا كانت فيه نقط حمره يعني في ضربات وقياساته مب صحيحه
والرأي عندك ….. وما اعتقد راعي المعرض بيوافق انك تودي سيارته هالأماكن ….. هاي الأماكن تنفع تفحص فيها السيارة إذا بتشتريها من واحد من برع
اخوي في الشارقه مركز اسمه الاهواز ممتاز اسأل عنه وان شاء الله بتدعي لي
مشكووووور اخويه وبارك الله فيك لاني كنت ناسي اسمه وعن طارى الاسعار محطه الايبكووو اللى فالعوير هذه انا اشوفه احسن فحص للسيارات لانه معترف به فالمرور وسعر الفحص الكامل عندهم 260 درهم …. وعن القائد اللى فالشارجه 150 درهم والله اعلم اذا ارتفعت الاسعار ….. وابصراحه انا ولا اي شخص ثاني من الاخوان الطيبين يسعدنا ان نخدم او انفيد بمعلومه ل اي شخص فالمنتدى وبارك الله فيكم جميعا على تعاونكم … ^__^