السلام عليكم

عندي عله وهي اني اريد ابدل تلفوني ال N70 وكل ما ايي ابدله القى ردود تخليني اقتنع انه هو الافضل

والحين ييتكم لاني سمعت انه ال 6233 اليديد افضل بوايد فما رايكم وشو مواصفاته

وهل نقدر نقارنه بأنه احسن من ال N70

اتريا تعليقاتكم ويعطيكم العافيه وان شاء الله يستفيدون من الموضوع الاعضاء المتواجدين معانا

اخوكم ابو مكتوم

15 thoughts on “اريد رايكم في نوكيا 6233”

  1. حرام عليك شو ياب n70 عند 6233

    والله ماشي فرق ابد

    n70 روعه وماعليه كلام خاصة يوم نزلو السوفتوير اليديد وعالج كل المشاكل

  2. يعطيك العافيه يا الغالي

    شفته وجربته وحاولت اسويله بس تلعوزت ورحت المحل وتخلصت من التلفون ياريال وخذه مني بعد مناقشه وسالفه اب 800 درهم جان يغمضني راعي المحل ورديت له 50 درهم وبعده هو ربحان بس انا اخاف من الظلم من جي رديت له ال 50 وقلت في ذمته ولا تكون في ذمتي

    ويعطيك العافيه الغالي على المشوره

    اخوك ابومكتوم

  3. بومكتوم في اشيا بسييطة تقدر تعدلها

    انا ماعندي هالتلفون انا عندي تلفون ثاني

    بس جرب و يمكن تصيير
    اول شي بخصوص المسج الي يوم يكتب متواصل اتبع التالي
    اول شي ادخل المسج (( كانك بتكتب مسج ))
    بعدين اختر تحت بتحصل صوره قلم علىالتلفون الي تغير منه اللغه اضغط على القلم و اختار الخيار الاول انا عندي ((prdictive text )
    بعديين تختار off

    —

    الحيين بالنسبه للاسماء اول شي شوف انت مخزننها على التلفون و لا البطاقه
    اذا على اللبطاقه حولها على التلفون و بتستوي ان شاء الله

    —
    هذا و الله اعلم

    ملاحظة : انا ما عندي نفس تلفونك انا عندي تلفون غيير بس هذه مجود شخصي

    اذا ماعرفت كييف تسوييها اتصل و بخبرك خطوه خطوه

    وشكرا

    اخوك المرحوم

  4. نسيت اضيف

    رنه المسج هههههههههههه ماتنسمع

    تحراها خيال جنه تلفون مفرور تحت السرير وتسمع صوته من بعيييد واذا في صوت في البيت ماتسمعه

    يالله اشتروه صدق طفرت منه

    بعدين ياجماعه هذا رايي ماعليكم مني كل واحد وله وجهت نظر واختيار

    والسموحه يمكن علقت وايد بس منقهر شو اسوي الله كريم

  5. بومكتوم شالسالفة ليش ما عيبك وفي شو لعوزك؟؟
    التيلفون اكثر تيلفون عملي موجود فالسوق حاليا
    وكل مواصفاته رائعة فهو يجمع بين مميزات التيلفون العادي والسمارت فون مثل N70 وربعه
    ناهيك عن الشاشة الكبيرة الواضحة
    الصراحة التيلفون ما عليك كلام يمكن لانك بعدك ما تعودت عليه
    والسموحة

    ياهلا اختي شوفي الرد الي فوق بتعرفين

    ولا بعد مايدعم كل الصيغ الصوتيه مثل Amr

    بس غريب يكون يجمع مواصفات ال N70 انا جربته وانا مب من النوع الي لازم يجرب التلفون او يتعود عليه لاني اخذ التلفون واتفحصه من نواحي عمليه ولقيته مب عملي ويضيع علي وقتي

    لاني استخدم التلفون اصلا بس في الاتصال والمسجات اما الموسيقي او النغمات ماتفيق لهم
    يالله يالله اشغل مسجل السياره يوم اروح دبي 🙂

    بس فضيع بصراحه اريد ارجع على سابق عهدي مع ال N70 :^5:

Comments are closed.