السلام عليكم
اخواني ابغي اسوي مشروع تجاري واريد مشورتكم شو افضل مشروع ممكن ينجح ويحقق ربحيه
انا ما عندي خبره كبيره في هالمجال، اريد من اللي عنده فهم لهذه الامور ينورني الله ينور عليه
لاني الصراحه ما عندي الوقت للدخول في مشاريع ممكن تكون فاشله. نصيحتكم بارك الله فيكم
علما باني بسوي المشروع في امارة دبي الحبيبه.
شي اخر اذا فيه حد من الاخوان لديه فكرة مشروع جديه وقابله لتحقيق الربحية فان على اتم الاستعداد لمشاركته في المشروع ويكون بادارته. بس لازم نجلس ونناقش التفاصيل.
ولكم جزيل الشكر مقدما
ملاحظه للاداره
——————
انا طرحت الموضوع في العام بسبب رغبتي في الحصول على اكبر قدر ممكن من التفاعل
اذا رات الاداره نقله الى قسم المشاريع التجارية فلامانع.
مع احترامي لرأي الجميع ولكن…
ان تعطي فترة سنه للمشروع لتجني وتحصد الارباح فهذه المقوله كانت في العصور الوسطى..
وفي هذه الايام فأقصى مده لتجني الارباح هي 3 اسابيع من تشغيل كامل خطوط الانتاج ومن خلالها تعرف قدرات و جدوى استمرارية مشروعك.
شيء طبيعي بان تستثمر 100 الف و تحصل على ارباح مليونيه فأنت في دبي و بنفس الوقت من المتوقع بان تستثمر ملايين الدراهم و تربح ال 100 الف اذا اربحت.
اهم شيء هو الموقع من بعدها تأتي دراسة الجدوى و الافكار.
خليك مع المأكل و المشرب و المسكن ابرك لك.
وبالتوفيق…
السلام عليكم
اذا تسمحلي اطرح رأي يمك يفيد
مثل ما قال الأخ دار زايد
لا تسوي تجارة لان عندك فلوس .. ابدا المشروع اذا كان عندك فكرة
مشكورين على النصائح وما قصرتوا وبانتظار النصيحه من بقية الاخوان والاخوات ذوي التجربه والخبرة في العمل التجاري.
تقبلوا تحياتي
الله يوفقك في تجارتك
هلا اخوي
بتسمع بالمنتدى وخارج المنتدى ايضا الكثير الكثير من اللي يقولون لك والله مشروعنا احسن مشروع وارباحه مضمونه 100 % وياخوي انا بالبزنس من 5 سنين ومافي شي اسمه مضمون الا تجارة المخدرات ( فيها مؤبد هههههههه) وتجارة الخمر وانت لا تبا هذا ولا ذاك
مب اي واحد استوى عنده فلوس يعني لازم يستوي تاجر واذا الشخص فكر بالتجاره اهم شي انه يسوي شي يحبه مب شي يحبه غيره
يعني انا انسان احب الشاي كرك ومدمن عليه واعرف شقا يسوونه وغالبية ربعي يتعنون للمطعم الفلاني عشان يشربون منه واكيد عندهم ملاحظات معينه بسبب هالشي اقدر اسوي مطعم شاي كرك واصلح كل العقبات اللي ممكن انها تأثر على الآخرين مع ابتكار شغلات يديده تناسب السوق المحلي
ممكن انك تشاور اهلك في هالموضوع وانصحك تشاورهم لأن بصراحه البنات عندهم افكار حلوه بميزانيه معقوله اكثر عن الشباب
لا تتوقع انك تحقق ارباح في اول سنه او سنتين من المشروع واللي يقولك والله المشروع بيحقق لك الملايين تراه مشروع غير ثابت وقد يحتوي على الكثير من المخاطر .
البزنس حلو بس يباله شخص متفيج ومايباله شخص موظف لأنه يباله تفرغ تام اما الشراكه فما انصحك فيها لأنها بالنهاية راح تؤدي الى طريق مسدود ومشاكل فما انصحك انك تشارك اي انسان
وبالتوفيق يارب