الموضوع ومافيه اخواني عندنا سيارة البيت فيها خدوش في اكثر من صوب ماشاء الله اتعرفون اليهال وشطانتهم .. مايرتاحون ويستانسون باللعب الى على بدي السياره .. وخصوصا لو عندهم سيارات صغار .. يتفننون في الدرفت والتخميس على بدي الموتر … المهم الموتر التيما ولونه اسود والخدش يبين خط لونه ابيض وشكله الصبغ انشل وطلع المعجون .. رحت لاكثر من محل تلميع والكل يقولي لازم تنصبغ المنطقه اللي فيها الشمخ يعني المنطقه كلها .. انا شفت في اكثر من موقع انه يستخدمون اول شي صبغ بنفس لون الموتر يسكرون فيه الفراغ ( مكان الشمخ ) وعقب يستخدمون ورق سنفره مثل الورق مال سنفرة الخشب بس يكون درجه معينه .. وبعد استخدام الورق يكون مكان الشحفه امبقع بسبة الورق لكن مع استخدام البوليش يرد اللون مثل الاول وكانه ماكان في شحف … خلاصة الموضوع هل في اماكن ممكن تشيل الشحفات بدون صبغ

6 thoughts on “ازالة خدوش السيارة”

  1. إذا الخدش خفيف فوق الصبغة تقدر تسوي بولش يخوز الشخوط عقب تسوي فوقه تشميع يرجع اللمعة

    اما نفس إلي في الصورة فوووووووووووووووق ماينفع غير تسمكر وتصبغ .. أو انك تروح اي كراج يسوي لك بالفرشه يسكر الخدش بنفس اللون عسبت الماي مايلامس البدي ويصدي البدي ويتنفخ

    الله يعينك

  4. السلام عليكم ورحمة الله وبركاته
    جزاك الله خير على هالموضوع الحلو .. وماشاء الله عليك يبتها من الاخر

    لاني انا استعمل هاي الطريقه من 3 سنين والامور طيبه ..

    ودمت سالم

Comments are closed.