نحن ما نوجه هالكلام لج
ولا تاخذين فخاطرج
لاكن سياسه اعلام ابوظبي للأسف خاطأه
الصراحه وبكل أسف
تصرف ملاييييييييييييييييييييييييييييييييييييين مالها اول من تالي
وفي الاخير ما نحصل على شي يستاهل عشان تصرف عليه هالمبالغ
وسلامتكم
ارجع أقول اني ما اعبرت أي شيء هجوم شخصي .. وانا رديت باسلوب منطقي .. ولين الحين الحمد لله ما تعرض حد لشخصي ولا تعرضت أا لشخص حد وأنا قلت ان احنا موظفين في المكان وللادارة اسلوبها ونحن ما نروم نعترض على اسلوب الادارة لأنهم الادرى بمصالحهم ..!
ومسألة الانفاق بدون حساب على بعض البرامج والنشاطات فهذي اشياء نحن كموظفين نتحفظ عليها لكننا لا نستطيع العتراض .. فهم يصرفون من جيوبهم .. وليس من جيوبنا ..
وحين اعترضنا ذات يوم على قرار اصدرته الادارة جاءنا الرد بأن ( خليكم في اكل عيشكم أحسن..!)
وفعلا لدينا ادارة لا تتردد في انهاء خدمات الموظف المتمرد أو الراغب في التجديد ..
شكرا أخي
ودمت بود
احساس الشارجة .. الحمد لله انك تتابع الموضوع ..
أخيرا حد حس فيني …!
لك ألف شكر ..
مرحبا الغالية ..
فيه نقطة بس ياليت الناس ينتبهون لها ..
اذا كانت القناة تبث من مدينة دبي للاعلام هذا يعني انها قناة حرة يعني لا تتبع لقوانين البلد ولا تبث باسمه .. يعني موب ملزومين يوظفون اماراتيين ويقدرون يوظفون الجنسية اللي يبونها دام انهم ما يتعبون لوزارة الاعلام والثقافة وما تشملهم بقوانينها ..
ونفس الشيء بالنسبة للجرايد اللي تنشر من مدينة دبي للاعلام .. هذي الجرائد ما تمثل الاعلام الاماراتي وبالتالي هي موب اماراتية ومالنا عليها رمسة …
على فكرة قناة نجوم والواحة وغيرها من القنوات اللي تبث اغاني موب اماراتية ولا تخضع للقوانين الاعلامية الاماراتية .. لانها قنوات حرة تبث من منطقة حرة ..
لك الشكر أختي على المرور ..
ودمتي بود
عفوا أخويه ,, مافيه شيء في الرياضة اسمه تفرقة عنصرية .. فيه شيء اسمه تعصب رياضي .. وفيه فرق كبير بين الاثنين ..
للمرة الثانية أقول لكم أن وايد من المواد اللي تنشر في فترات فوز النوادي وخاصة الملاحق هي مواد اعلانية مدفوعة القيمة .. يعني اي نادي يريد يسويها يقدر يسويها لأن لها قيمة محددة وثابتة في الفواتير ..
وهي بفس القيمة لاي مؤسسة .. يعني الملحق اللي يسويه نادي معين تقدر تسويه اي جهة ثانية مثل البلديو مثلا بنفس الفخامة والالوان وروعة الصور والمادة المكتوبة اذا دفعت نفس القيمة …
يعني ها الشيء مثل محلات طباعة الصور على الاكواب .. هات الصورة اللي تباها .. ادفع القيمة واستلم الكوب عليه صورتك
نفس الشيء هنيه .. هات المواضيع اللي تباها تنشر .. ادفع قيمة الملحق .. واستلم الملحق ..
يعني ها المادة اعلانية مايخصها في نادي دون نادي .. اللي عنده يدفع .. ومحد أحسن عن حد في الدفع .. اللي يبا يدفع يلقى اسمه منشور .. الا اذا كان الموضوع المنشور خبر فهنيه الموضوع يكون شيء ثاني والتعامل وياه شيء ثاني .. اما سوالف المديح فأكثرها مواد اعلانية مدفوعة القيمة ..
لك التحية اخوي .. ودمت بود
مرحبا ملايين
أخويه .. انتو ليش تظنون اني ماخذه الردود بعصبية .. يكفي ردي عليك .. كنت اكتبه وانا آخر ( ريلاكس) لا وقاعدة أكل تفاح بعد ..!
قلت في ردي أنا مالي علاقة في الاتحاد الرياضي وأقرا العناوين أحيانا .. يعني ما أعرف شو اللي ينشر فيه ..
مسألة تحيز الاتحاد لنادي على حساب نادي هذا شيء ما اعرفه .. اعرف ان العين لافاز بالدوري سووا له قرقعة .. وان الوحدة لا فاز بالكاس سواا له قرقعة مثل العين .. يعني الاثنين نفس الشيء ..
اذا بترمس عن نوادي الامارات الشمالية ودبي فأنا ما اعرف اسامهين حتى . لكني اعتقد انهم مافازوا ببطولة من فترة ولها السبب غابوا عن الاضواء..
عموما سيدي .. لا تنس دور رؤساء مجلس ادارة النوادي .. هم يدفعون للنشر ,, وتكون المادة المكتوبة مادة صحفية لكنها اعلان مدفوع القيمة …
وأعود مرة أخرى لأقول … أنا بعيدة عن الملحق الرياضي ولا أعرف الكثير عن طبيعة العمل فيه ..
ودمت بود
ولا حرب ولا شيء اختي …
بصراحة نقاش هادف افتقدته من زمان في النت من أيام منتدى (عرب زايد ) طيب الله ثراه ..!
مع أن ها المنتدى للاوراق المالية .. لكن لو تلاحظين احصائيات الموضوع هذا تحديدا بتلقينه من أقوى مواضيع المنتدى من حيث القراءات والردود .. وبصراحة مع اني حسيت ان الكل قاعد يمثل هجوم وانا الوحيدة دفاع بس الصراحة استانست لان هذا دليل على وعي ووجود مثقفين بيننا وعقول واعية لها قدر واحترام ..
برنامج نور الشريف وبرنامج خالد المصري أنا ما شفت ولا حلقة منهم .. لأني بصراحة بعيدة عن الجهاز اللي اسمه تلفزيون بعد كامل .. يعني اذا شغلته اشغله علشان اشوف فيلم دي في دي أو مسرحية .. أما افتحه وأشوف برنامج هذا الشيء نادر وما يصير الا لبرامج اعرف مسبقا انها تهمني ..
هذا مع اني عندي تلفزيون خاص بغرفتي ..!
ولمعلوماتك بعد .. حتى صالة بيتنا التلفزيون اللي فيها مهمته شيء واحد بس … ( العيال يركبون عليه السوني ويلعبون) ..!
يعني أنا والعايلة الكريمة بعيدين عن التلفزيون .. إلا في رمضان
وعموما .. حتى حلقات ها البرامج هي جزء من سياسة الادارة الفاضلة اللي نحن مالنا خص بقراراتها .. واللي بسبب ها البرامج دخلت في أزمة مالية حادة .. دفعنا نحن ثمنها كموظفين وانسحبت مننا صلاحيات وامتيازات للمساهمة في حل الازمة المالية .. لكن ( اللهم لا اعتراض) ..
انت تقدر تناقشيني باللي يتعلق بالصحافة لأن هذا تخصصي .. أما السياسة الادارية فأنا لست صاحبة قرار فيها .. ولهذا لا أستطيع الرد بالطريقة التي تجيب على كل الاسئلة..
لك الشكر أختي ..