(( استثمار زراعي )) لمن يحب الاستثمار بالزراعه

السلام عليكم ورحمة الله وبركاته

تقبل الله صيامكم وقيامكم جميعا

ادري اني زودتها وغرقتكم افكار هالكم يوم بس حابب أن يكون هالقسم مناره لكل من يريد الاستثمار والعمل فالتجاره . وأرجو من الاداره تتحملني .

موضوعنا اليوم يا اخوان عن الاستثمار فالزراعه لأني شفت أن محد مهتم بالزراعه نهائيا . وحابب الفت نظركم على هالجانب المهم من الاستثمار .

الفكره ليست اختراع اللي بوصله لكم جميعا سواء ملاك مزارع أو مستثمرين زراعيين . بأن فيه مزارع موقوفه عن التسويق في بوظبي والعين واصحابها مهملينها . وهالشي غلط .
والفكره تنطبق على كل الأمارات وعلى كل منطقه فيها مجال للزراعه بالدوله .

لاحظت شي وهو أن تجار الخضار في دبي عندهم طلب مستمر على الخضروات وعلى مدار السنه .
بالنسبه لمزارع العين وبوظبي والموقوفه عن التسويق .
لو فكر المالك يعيد تأهيل المزرعه وبنفس الأليه اللي كان يسوق بها لدائرة الزراعه سيكون دخله السنوي لا يقل عن ( 600 الف درهم متوسط سنويا )

أكيد السؤال التقليدي موجود وهو كيف ؟؟

الجواب أن اي واحد مهتم بالاستثمار الزراعي قبل لا يفكر يجهز مزرعته بس يكلف على نفسه شوي ويزور سوق دبي للخظار والفواكه . ويسأل بنفسه عن حاجة السوق . ورح يلقى الجواب الشافي .
اليوم قابلت بالصدفه تاجر من دبي جاي للعين بس يسأل لو فيه مزارع تنتج الطماطم وبكل بساطه يبي انتاجها على مدار السنه . ومب بس مزرعه وحده يبي أكثر . وهذا تاجر واحد .

لو المالك مب فاضي ممكن أي واحد يستاجر مزرعه ويجهزها ويسوق تسويق حر .
واللي يبي يستثمر ويزرع مزرعه ويبي يلاقي فأخر السنه مردود طيب . لازم يزرع الخضروات اللي عليها طلب فالسوق . ( طماطم + فلفل + باذنجان + خس + باميه + فاصولياء ) يعني زراعات متنوعه عشان يوم التاجر يدخل المزرعه يحصل كل طلباته .

تجهيز مزرعه من الالف الة الياء لا يزيد عن ( 100.000 درهم ) أنا كنت مستثمر مزارع وأعرف أنها بس بأول سنه تتكلف مبلغ ال الأمية الف ومن ثاني سنه بس مصاريف الزراعه ورواتب العماله .
وفي هذي الحاله انصح ان يكون فيه بالمزرعه مهندس زراعي يراقب المزرعه على مدار السنه .
كل هالاشياء بعد ما نزور السوق ونطمن بأن بضاعتنا لها تسويق .
وصدقوني أن الزراعه فيها بركه وانتاجها ممتاز لمن يحسن التعامل معها .

اللي يبي يدخل سوق الزراعه وما عنده مزرعه يدور على مزرعه ويستأجر ويزرع بس بعد ما يسوي دراسه على السوق بشكل جيد ويتعاقد مع تجار يشترون منه على مدار السنه .

ولو فيه استفسارات انا حاضر . حابب اشوف نقاشات واشوف توجه لهالنوعيه من الاستثمار لأنه مجدي

ايجار المزرعه فالسنه الواحده ( من 40 الى 50 الف درهم )

تكلفة الموسم الواحد من ( 50 الى 60 الف درهم )

دخل الموسم الواحد للمزرعه لا يقل عن 500 الف وفي حالات التسويق الجيد قد يصل الى 700 الف سنويا

وفي حال عمل مشروع بيوت محميه ( جريين هاوس ) لو كان عدد البيوت ( 40 بيت زراعي )
الدخل السنوي يصل الى ( مليون درهم ) لأن البيوت المحميه تتيح زراعة الخيار وبعض المنتجات الضروريه والمفقوده بالسوق . وهذه المنتجات مضمونة التسويق واسعارها بزياده في كل يوم .

تقبلو وافر التحيه والاحترام