استثمر 150 الف لمدة سنه واحده فقط

45 thoughts on “استثمر 150 الف لمدة سنه واحده فقط”

1. موضع شائك

   واستهدوا بالله يا اخوان

2. مجرد مشاهد والله الكلام لايعطيك كلمه فى التعليق

3. اولا لما حددت الموعد ما اخلفته

   لانج يوم اتصلتي كنت انا في شارع الامارات و في زحمة السير مثل ما الكل عارف ان هالخط و خاصه في صناعيه الشارجه زحمه

   و بعدين انا كنت رايح دبي الظهر قبل لا اييج و كنت متفق مع ناس و عندي معاهم موعد قبل موعدج

   و يوم اتصلتي قلت لج عندي شريك معاي و بتصل به و برد عليج

   و للعلم كل ما كنت اتصل كان يرد علي ريلج و بعدين اقوله ممكن اكلم ام ايمن مادري ايمان , فقلت في نفسي مب حلوه كل شوي اتصل و اطلب اني ارمسج لاني اشوفها مب حلوه في حقي ولا في حق الريال , هذا سبب عدم اتصالي لج و انا في الزحمه و قلت لما اوصل بتصل

   و انا في الخط لعندج , قالي الريال اطلب منها صوره جواز و الله الشاهد في الي اقوله انه قالي اطلب صوره الجواز اول شي و طلب مني اخذ اشياء ثانيه (بعد هذا مب من حقه) و قلت لج طرشيه له , توني ما كملت على قولتج الضمانات

   انجلبتي علي و قلت لج ليش معصبه و بلاج انجلبتي مليون درجه و قلتي لي ليش صوره الجواز و شو تريد منه و انت طلبت مقابلتي و ما ادري شو و انا كررت السؤال و قلت ليش معصبه انزين و بعدين قلتي لي يالله خلاص مع السلامه و سكرتي الخط

   نست الاخت اني قلت لها طرشي له الصوره (يعني مب لي انا , له هو) و انا المسكين الي ياي عندها اصلا يعني انا بقابلها بروحي في نفس اليوم (ركزي على هالنقطه عدل ولا تخلطين الموضوع)

   بذمتج ان كان للذمه في هالموضوع مكان

   الحين انا ياينج في الدرب و اموصي ناس في البنك يجهزون لي المبلغ كاش

   تقومين و اتسكرين الخط

   الحين لو حد مكاني بيرد يتصل فيج اصلا

   و بعدين اتصلت في الريال و قلت له بلي صار و انا واقف في الشارجه بعدني ما طلعت

   قالي طب الموضوع , اذا البدايه جيه عيل النهايه شو

   و اذا تبيني افصل لج الموضوع بالكامل بفصله

   و بعدين انتي نسيتي شي مهم
   الي يدفع المبلغ بالكامل و تكون الرخصه بإسمه و انتي بتشتغلين في المحل منو فينا بيكون المسؤول و المدير
   هل الي طلبته انا كان خطأ؟
   و هل تجاهلج للموضوع من اول طلب كان الصح؟
   و هل تعاملج مع الناس دايما جيه انج تسكرين الخط في وجوهم؟
   و هل بدر مني يا بنت الحلال شي غلط ولا اسئت التعامل معاج في شي؟

   بكل ادب و احترام قولي لي انت تعال بالاول و بنتفق و بعدين اطلب الي انت تريده
   مب بـ هالاسلوب تردين على الناس
   يعني الموضوع يبين من عنوانه
   من جيه انا ما بغيت ارد اتصل فيج لان هالاسلوب غير حضاري في التعامل , و ان اتصلت عشان نتفاهم اكيد بيرد علي ريلج و بيسمعنا كلام نحن في غنى عنا

   و للعلم و انا ارمسج كان عدالي ربيعي و يسمع كل كلمه كنت اقولها لج
   هو بنفسه قالي لا تروح لها خلاص انسى الموضوع و عفى الله عما سلف
   حتى كان بإمكاني اطرح هالموضوع في المنتدى لكني ما حبيت لاني في غنى هالسوالف البايخه

   و عن إنا نتفق , اظن ان الكلام الي ناقشناه في التلفون اول ما ابديت موافقتي كان يكفيني و كان الي ناقصني اني اييج و اتفق معاج على الامور الماليه بس

   و ارد و اقولج اياها مره ثانيه انا كنت جاد في الموضوع و كنت حاط نظره ان اذا الله وفقنا في هالمشروع ان نحول كل ارباحه لفتح فروع ثانيه

   لكن مثل ما يقولون “ما كل ما يتمناه المرء يدركه … تجري الرياح بما لا تشتهي السفن“

   انا يوم كنت في دبي كنت موقع على عقد قيمته 3 مليون و 600 ألف درهم (ادري الحين بيقولون ليش يذكر لنا هالسالفه الي ما يخصها في الموضوع)
   ذكرته لان هذا الي خلاني اتأخر على مشواري للاخت في عجمان شوي.

   و على قولت اخونا دار زايد اذا بيجلبها محكمه مستعد اييب الناس الي كنت عندهم في دبي كشهود لبيان سبب تأخيري و ليس تخلفي عن الموعد من الاخت ام ايمان
   و للإخوان الي شاركوا في هالموضوع
   انا اشكر كل من وقف في صف الاخت ولا وقف في صفي لان غيرتكم على بعضكم البعض تفكي و يدل على ان هناك ناس فيها الخير في هالزمان الي قل فيه الخير

4. كيف اطرش صورة جوازي حق شخص ماعرفه ولايعرفني
   وبأي حق يطلب مني هالشي من الاساس!!

   يبى يشارك وياي
   يتفضل عندي نتكلم نتفق والي يطلبه حاضرين ..
   هذا الاصول والي الكل يعرفه

   اختي ام ايمن رايتج بيضه طال عمرج

   دايما تسعين للخير وتحبين تفيدين الاعضاء سوى بالجمعيات او بمشروع المطعم .او بهذا المشروع القائم حالياً .

   كلمة اخيره الي يحب يشارك يدخل ويشارك
   والي مايبغي يشارك مافي داعي يجلب الموضوع لمهاترات مامنها فايده ..

   وكل شخص عقله براسه ويعرف مصلحته وين ..

5. الاخ د ار زايد فعلا زين ولا زين ويا زين من يريد ان يقتبس ما يريد من كلام احد وتستهويه نفسه ويزايد عليه ومشكور يا اخى

   وللاخوه الاعضاء اعتبروا ان هذا الموضوع ملغى ليس لسبب عدم مقدرتى على الرد بل لانهاء هذا الجدل الذى تحول الى مهاترات واهواء شخصيه وتشكيك وامور لا يتقبلها العقل

   وشكرا لكم جميعا

   انا ما شككت فيج ولا يبت كلام من عندي

   انتي قلتي بالحرف الواحد فوق انج كنتي متفقه مع مجموعه من الاعضاء وعقب ياج واحد وقال انا بمول المشروع بالكامل يعني خليتي باقي الاعضاء واتفقتي مع واحد وعقب لما اخل بإتفاقه وياج ما رديتي على باقي الاعضاء

   هذا اللي انا فهمته من كلامج بس اذا كان له اي تفسير ثاني ياليت تذكرينه

Comments are closed.