استشارة بخصوص شـقق بـوابــة الشــرق و شركة بني ياس للاستثمار

9 thoughts on “استشارة بخصوص شـقق بـوابــة الشــرق و شركة بني ياس للاستثمار”

1. اختي الكريمه

   انا مهندس .. في الحكومة .. ولله الحمد دخلت المشروع .. البنايات بتكون مثل حدائق الراحة .. يعني التكييف من Chilled plant موجوده بالقرب من المشروع .. الفلل بتكون عادية .. وهالشىء يكلف + التشطييب الي يالسين يخرطون على الخلق فيه انا شفته بنفسي للفلل ( 5 غرب ومسبح ) !! تشطييب عادي لفيلا ب 5 مليون .. فما بالج بشقه ؟

   انا مب يالس احبط ولا اخرط .. انا اتكلم من شىء شفته بعيوني الثنتين .. المشروع له مستقبل ..بس تشترين الحين شىء مب جاهز ما انصحج ابد .. صح ممكن طريقة الدفع حماسية .. بس انتي يمعي المبلغ على رواج و اشتري شىء جدام عيونج بالتشطيب الي يريحج ..

   بعدين ياما خرطوا علينا الشركات هذه ؟ انا ما اتهم شركة معينة .. انا يالس اتكلم من تجربة انا مريت فيها ..

   انا شاري في الريم من هايدرا .. من سنة 2007 .. نهاية 2007 .. دافع تقريبا 30 % .. ولا شفت شىء !!!!!!! حتى عقد ما شفته !!!!!!!!!!!!! .. ولا من جم يوم طلبوا دفعة واذا ما دفعتها .. بيسحبون الشقه !!! وازيدج من الشعر بيت .. سرت الموقع .. بعدهم في خبر كان يبالهم تقريبا من 22 الى 28 شهر على الاقل !! وخبرتهم ينزلون سعر الشقه لان الاسعار طاحت قالولي سير بلط البحر ..؟!!!!!

   المهم طاف

   حدائق الراحة .. تشطيب طيب .. وحلو .. بس تعالي .. الفلل فيها تكييف chilled … اذا عندج اهل وعيال .. يعني فاتورة التكييف بس من 2000 الى 3000 شهريا .. طبعـــــــــــا من غير السيرفس الي ب 18 الى 26 الف سنويا .. غير فاتورة الكهرباء !!!! .. حشى مب بيت .. وانا اتكلم من واقع تجربة .. وعندي الفله وتقدرين تيين تشوفينها و تتغدين عند الحرمة

   وغيره من الامور الكثيره .. بس لو فكرتي تآخذين شىء جاهز .. بتعرفين كل شىء عنها .. قبل ما تدفعين ..

   اتمنى انج فهمتي قصدي .. انا مب قاصد اذم شركة او اقول انج غلطي .. بس صدقيني .. مافي قانون او شىء يمسكهم .. هم الكل في الكل بعد ما تدفعين ..

   واذا تبين اي شىء مره لسانج ما يردج

   والسموحة

2. اسعارها تبدا من 600 الف ( استديو ) و غرفة 800 الف ……. و الفووت بــ 1000 درهم

3. كم اسعارهم اختي؟

   وكيف المساحات ؟

4. مرحبا اخويــه …

   انا حاجزة الشقة من معرض سيتي سكيب .. و دفعت عربون حجز لا يسترجع

   في امور وايد ما وضحوها لنا … يعني لا تكييف ب و لا شي س قالوا لنا كل شي بيكون احسن شي من التصميم و التشطيبات ..

   بس نصحوني فيها و استخرت و توكلت على الله

   و انا مفكرة استثمرها ؟؟

5. اخوي او اختي صاحبت العقار ..

   بخصوص بوابة الشرق ما انصحج تشترين اي شىء .. بالذات الشقق .. صح الدفع حلو وميسر .. بس تعالي شوفي .. المكيفات فيها عقب بتكون نار لانها مكيفات chilled مب مركزية .. يعني فاتورة بروحها .. + سعرها مرتفع .. + الايجارات منخفضة !!

   انصحك انك تهدي الامور وتتريا شوي .. تريا الريم و الراحة بينزلون شقق كمية حلوه على نهاية هالسنة .. ونص السنة الياي .. ليش تتهور ويا هالحلوين ..!

   الراي رايك ..

   موفق

Comments are closed.