استشارة بخصوص شـقق بـوابــة الشــرق و شركة بني ياس للاستثمار

9 thoughts on “استشارة بخصوص شـقق بـوابــة الشــرق و شركة بني ياس للاستثمار”

1. مشكورين اخواني ما قصـرتــوا

   

   و ربي يوفقكم جميع

2. شوفي انتي دفعتي توكلي على الله لاكن في المستقبل ومع كثرت المطورين الافضل الشراء على الواقع حيث الاسعار سوف تهبط لا محالة وسوف تكون واقعية اكثر

   منطقة بني ياس والشامخة والمناطق المحطية بها هيه ابوظبي الجديدة او المخطط لها

   والله ويفقج يارب

3. السلام عليكم ورحمة الله وبركاته ..

   انا اختلف مع بعض كلام الاخوان و الخوات اللي اتكلموا …

   قبل الازمة كان الكل يشتري عشان يبيع بعد فترة .. لايهمه تشطيب ولا وقت تسليم والا اسم مطور …. بس يوم يت الازمة اللي اعتبرها وعت الناس شوية هب وايد اتغريرت وايد اشياء …

   اللي ابا اقوله .. باختصار :

   1- الازمة بينت المطور الاصلي من التقليد … يعني خلت الناس ايعرفون انه هذا مطور كبير و هذا مطور ثانوي ..

   2- نظام التكييف اللي اتكلموا عليه الاخوان .. هذا موجود ختى في بنايات جديمة في بوظبي و تكون فاتورته منفصله بس ما توصل 3000 او 4000 للشقة الوحده خاصة ان الاخت ماخذه استوديو

   3- نظام الدفعات حلو و احسن عن بعض المطورين اللي دفعاتهم مرتبطه بتاريخ هب بمراحل تنفيذ المشروع

   4- اتوكلي على الله .. المشروع حلو و منطقته حيويه و انتي ماخذه باحلى الاسعار 1000 للفوت في مجمع متكامل فيه ثاني اكبر مول في بوظبي و فيه كارفور و 12 قاعة سينما بالاضافة الى مدرسة بريطانية و اخيرن وقعوا ويا المستشفى الامريكي التايلندي بيفتح بعد في المشروع

   5- الشغل ماشي و الانشاءات في تقدم مستمر و الشركة شغالة ميه الميه

   6- العقار مافيه خسارة خاصة انتي ماخذتنه استثمار هب شرات الاسهم ..هذا شي بتاجرينه او بتستثمرينه او حتى تسكنين فيه ..

   7- بوظبي بشكل عام فيها نقص سكن بالاضافة الى رؤية 2030 تتطلب توفير سكن راقي في كل مناطق الدولة اللي بيتم تزويدها بمراكز تسوق و مراكز صحية و مدارس و هاي بيشتغلون فيها ناس كثار محتاجين سكن

   8- نظام المجمعات السكنية او الكوميتي نظام يديد على الناس و الناس قاعدة اتقارن ايجاره بايجار الملاحق والا الفلل اللي فنفس المنطقة و هذا غلط … اتخيل عمرك انه ساكن في مجتمع فيه امن سكيورتي 24 ساعة .. فيه رعاية صحية و طواري 24 ساعة ..مرافق خدمية جيم و مسابح و ملاعب اطفال و اماكن مشي و مولات و و و .. وكل هذا تحت سكنك مباشرة ..غير خدمات النظافة و الصيانة الفورية ..

   9- انا ماعندي شي في هالمشروع ولا اشتغل في شركة بني ياس و لا غيرها .. الحمد لله انا مهندس في الحكومة بس حبيت ابين فكرتي و رايي..

   و في النهاية اقولج اختي اتوكلي على الله ترا العقار هو البيضة اللي اتبيض ذهب …

   و السموحه .. اخوكم الصغير

4. من كثرة التجارب صار للمشترين نظرتهم ووعيهم بالأمور العقارية … … يمكن أكثر من الوسطاء و الملاك من كثر مرت عليهم عقارات.
   بالاضافة انه زمن معسول الكلام و الكلام اللي في الأحلام الوردية … … بس ما نشوفه في الواقع أدى الى انخفاض تسبة الثقة بالمطورين … … و خاصة تاريخ التسليم

   بالنسبة للمطور العقاري : متأكد انه لهم سمعة طبية جدا بالسوق … … وهم ما شاء الله (قد الكلمة)
   اذا الموضوع اتخذتي بعد دراسة و استخارة … … الله يوفقك و يبارك لك بالغقار

Comments are closed.