السلام عليكم
اخواني ممكن حد يساعدني في ترتيب شهر العسل
حاليا اتفقنا علي التالي
الدول والمدن:
النمسا: سالسبورج – فيينا – زيلامسي
سويسرا: جنيف – منطقة انترلاكن – لوقانو
فرنسا: باريس – ستراسبورج – جزيرة بورا بورا – نيس
مدة الرحله: 18 يوم (6 ايام في كل دوله)
الرحله من يوم الأحد تاريخ 14-يونيو-09 حتى يوم الخميس 2-يوليو-09
ياريت حد يفيدني اذا في جدول احلى او ينصحني بمناطق ما ذكرتها
وشو احسن مكتب سفريات في دبي
انا يوم السبت بسير الامارت للعطلات وياريت حد يفيدني بمكان افضل يضمن لي الخدمه الجيده لاني مابا اتبهدل في شهر العسل 
اتمنى من المشرفين عدم نقل الموضوع الى قسم السياحه والسفر لان المنتدى العام زواره اكثر ما شاء الله مشكووريين مقدما واتريا ردودكم الطيبه
اخوكم فهد
السلام عليكم
شو رايك تبدأ رحلتك من ميونخ تأجر سيارة كالتالي:
ميونخ- النمسا(زلامسي) بعدين المناطق الثانية- سويسرا- فرنسا و تسلم السيارة في فرنسا.
ما تحتاج شركة سياحة الا اذا كانت اول سفرة لك في اوروبا.
احجز التذكرة ذهاب الى ميونخ و الرجوع من باريس, والفنادق ممكن ترتبها من booking.com
شو ياب ماليزيا للأوروبا،، فرق السما والأرض،،
اخوي فهد مبروك مقدما
الغالي حدد الاماكن اللي تبى تزورها وادخل المنتديات السياحية وتقدر تقيم الفنادق وتتعرف على الاماكن السياحية
اخوي عطلات الامارات ودناتا زينين بس اسعارهم مبالغ فيها ولا تنسى انهم يطلعونك مع جروبات يعني ما بتكون مرتاح لانهم يزورون اكثر عن معلم سياحي في اليوم انت خذ عنهم السعر والبرنامج وحاول بروحك ترتب
اذا تقدر حدد الفنادق وانت احجز بروحك عن طريق مواقع الفنادق الالكترونية بالفيزا صدقني ارخص
ونصيحة اخوي روح ميونخ واجر سيارة عن طريق اليورب كار او اي شركة تاجير عالمية وخذ لك جهاز جارمن وافتر اوروبا
ادخل اخوي الجوجل ايرث واشوف ميونخ موقعها استراتيجي بالنسبة للاماكن اللي انت تبى تزورها
بالتوفيق اخوي
إسبانيا (برشلونة / ماربيا) + إيطاليا (روما /فنيسيا ) فرصتك شهر 6 هو شهر الخصومات عندهم
+ فرنسا او سويرا بس لو تبا رأيي روح سويسرا احلى و انظف خاصة صوب زيورخ والمدن الي حواليها
انا الشهر العسل باذن الله ساير ماليزيا أكثر عائلية و رومنسية خاصة لنجاوي و بنانج
وفقك الله
^_^
ويا سلااام على المكاان اللي اخترته
انا رحت سوييسرا .. وفرنسا
بخصووص .. سويسرا جنيف ولا اروع الصرااحة .. والاسواق وايد هناااك .. وكان عندنا شخص اسمه دوني (مرشدنا).,,,, لو حصلت رقمه بطرشة لك
…
اما بخصووص فرنسا … نحن سكناا في فندق اسمه غولدن هوتيل في باريس… عداال شارع شانزيليه يعني مشي كمن متر ……الفندق حلو والحلو فيه .. انه كل شي ومرتب وفيه عرب يشتغلوون … وشانزيليه
……………..
وتقريبا . ساعة عن ديزني لاند …
على اياامناا كناا ندخل اللملاهي بقيمة 49 يورو . وتلعب اي لعببببببببببببة تباها . وفليل في احتفالاات مال دزني ..الخ رهييييييييييييييييييييييييب
….
باختصار فرنسا وبس ^_^
بس شوف.. ترا مايتعااملوون بالانجليزي بتحصل صعووبة شوي
انا كل صيف اروح ^_^