السلام عليكم
اخواني ممكن حد يساعدني في ترتيب شهر العسل
حاليا اتفقنا علي التالي
الدول والمدن:
النمسا: سالسبورج – فيينا – زيلامسي
سويسرا: جنيف – منطقة انترلاكن – لوقانو
فرنسا: باريس – ستراسبورج – جزيرة بورا بورا – نيس
مدة الرحله: 18 يوم (6 ايام في كل دوله)
الرحله من يوم الأحد تاريخ 14-يونيو-09 حتى يوم الخميس 2-يوليو-09
ياريت حد يفيدني اذا في جدول احلى او ينصحني بمناطق ما ذكرتها
وشو احسن مكتب سفريات في دبي
انا يوم السبت بسير الامارت للعطلات وياريت حد يفيدني بمكان افضل يضمن لي الخدمه الجيده لاني مابا اتبهدل في شهر العسل 
اتمنى من المشرفين عدم نقل الموضوع الى قسم السياحه والسفر لان المنتدى العام زواره اكثر ما شاء الله مشكووريين مقدما واتريا ردودكم الطيبه
اخوكم فهد
مشكوريييييييييييييين
وايد استفدت منكم
واعدت النظر
حاليا بتكون وجهتي الاولى النمسا ( ميونخ 3 ايام + زيلامسي 4 ايام) وبعدين سويسرا بس ما حددت المناطق
النمسا: سالسبورج – فيينا – زيلامسي[MARK=”FFFF33″]…لا تروح زلامسي ملل و ضيج مافيها شي غير البحيرة[/MARK].الا اذا تحب الهدؤ و القرى…خليك ع فينا و سالسبورج…و سالسبورج اسكن الانتركونتينتال جريب المدينة القديمة..
سويسرا: جنيف – منطقة انترلاكن – لوقانو………كنسل جنيف أكل ما بتحصل و الساعه 5 كل شي يتسكر و الساعه 10 ماشي حتى خدمات الغرف..غير بدال جنيف زيورخ.. [MARK=”FFFF33″]لوقانو اتوقع قصدك لوزان؟ [/MARK]خليك [MARK=”FFFF33″]ع زيورخ و بس[/MARK]..ترى كثر التنقل متعب و ما بتستانس في السفرة..و بتتعبون من شل الاغراض و طبعا ماشي حمالي في اوروربا..
فرنسا: باريس – ستراسبورج – جزيرة بورا بورا – نيس…نفس الملاحظه بتتعب في التنقلات..خليك ع [MARK=”FFFF66″]باريس – كان – نيس[/MARK]..و اسكن في كان فندق انتركنتنينتال روووعه.و في باريس فندق نابليون زين و اسعاره مناسبه..و موقعه عند السفارة القطرية.
يعني لو تحسبها بتوصل..بتنام في باريس ليلة و الليله الثانية ستراسبورج..و لين ما تطلع و توصل المحطة كم يبالك..و قول بتضيع ساعه لين ما تحصل القطار…و من توصل يبالك 4-5 ساعات..و كم ساعه لين ما توصل الفندق…..يعني يومك من المحطة لين محطة…ما بتستانس..طبعا شل الشنط عليك!!
كل دولة [MARK=”FFFF33″]مدينتين بالكثير[/MARK]…و خلي زيورخ 3 ايام و زيد في فرنسا كم من يوم.
انا من رأيي …. أنك تروح النمسا وسويسرا بس…….
خصوصا انك بشهر عسل …………
يعني انا حسبتلك 9 مناطق في البكج مالك خلال 18 يوم ……
يعني بمعدل يومين لكل منطقة ……………ما تشوفها وايد……….؟؟
صح هن جريبات من يعض ………….
بس منطقة زيلامسي أروحها يبالها ع الأقل 5 أيام …… خصوصا أنها منطقة حلوة للعرسان…
والله يبارك لك ويبارك عليكما ويجمع بينكما على خير …………..
وبالتوفيق….
اخوي جرب تروح جزر سيشيل سمعت انها رووعة
اخوي روح منتدى العرب المسافرون احسن شيء انا خلاص وجهتي النمسا وسويسرا هالسنة ان شاء الله