السلام عليكم ورحمة الله وبركاته
للبيع لكزس 430 موديل 2004 نص الترا رمادي غامج ومن داخل سلفر
فيه صبغ في البابين صوب السايق كم يسواله يااخوان ابغي اشتريه من الريال وهو طالب 78 وقالي 76 اخره حتى 75 مب طايع يرزى الموتر ولا
ومشكورين
9 thoughts on “استشارة للكزس”
Comments are closed.
جم يسوالها انزين
والريال مب مصلح الدعمة السيارة بشتريها بدعمتها وفي وحدة ذهبية نفس الموديل والمواصفات بعد مدعومة مدقار وباب
الصراحة غالي ياخوك
وما يرزا السعر دام انه مصبوغ بعدين اللون المطلوب فالسوق هوه الابيض الؤلؤي وبعد المطلوب فل الترا
دور بتحصل شكثرهن الكزسيات فالشارجة وتحذر تسير صوب المعارض كلهم مبالغين بالأسعار وحرامية الا من رحم ربي ياخذون مواتر مدعمة من امريكا ويصلحونا فالدولة ويبيعونها على اساس انها نضيفة
سر دورلك موتر مدعوم دعمة خفيفة … دعمة باب ولا مدقار ولا بونيت وصلحة على ضمانتك بيكون احسن وبتكون متطمن وتعرف شوه فيه الموتر ابرك عن تاخذلك موتر وماتعرف وين عمتة ولا وين مصلح اي كلام …
وبتحصلهن برخص بعد سر صوب شارع بي ام بتحصل سكاريب وايده ومواتر نظاف
وربي يوفجك
الصراحه أشوف الموتر مايسوي وواااايد مبالغ في سعره
ولا تنسى أنه الموتر مصبوغ
و أنا محصل من يومين نفس مواصفات الموتر هذا بالضبط وراعيه طالب فيه 63 ألف
والموتر واقف داخل معرض في العين و إسم المعرض معرض العامري للسيارات
وحاول إنته بعد مع راعي الموتر ويمكن بعد يراعيك في السعر !!!
وربي يوفقك
مرحبا الطيب
ربيعي عنده موتر شرات اللي تباه ويبي يبيعه
موديل 2005 سلفر فاتح (تيتانيوم) ومن الداخل رصاصي وبدون شاشه
لكن الله يشهد ان الموتر نظيف وانا بنفسي مجربنه .. ومايحتاج اي صيانه حتى التواير مبدله من جريب
والموتر بدون حوادث (صبغة وكالة) وطالب فيه 77 الف
اذا لك نيه في الموتر خبرني وفالك طيب
موفق بإذن الله … لك مني أجمل تحية .