شو تنصحوني ياخوان من بين اشتري استيشن لكزس 2003 وبين لكزس 430 صالون موديل 2004؟
وشو الأسباب والاختلاف بين قطع الغيار والاستعمال!!!!!!

واضني الفرق مش وايد بينهم مع العلم ان الاثنين وارد……….

رايكم يهمني لو سمحتوا

19 thoughts on “استشاره لخبراء اللكزس الوارد”

  1. ماانصحك تاخذ استيشن لكزس لان مب مرغوب وماحد ياخذه منك .. اما لكزس 430 صالون اوكي بس على حسب المواصفات .. بس للعلم النفاجيشن في الوارد امريكا مب شغال وبيكلفك 4000 الف درهم
    لا يقصون عليك ويقولون ييب سي دي الامارات وبيشتغل … بالتوفيق ان شاء الله

    معقوله السي دي ب4000 درهم

    احبط معنوياتي الصراحه

  2. شكرا لكل لمن شارك واطعاني رايه…
    بس بعضكم مأيد الاستيشن وبعضكم مايعجبه ويذمه

    بس الاغلبيه شجعوني عالصالون وانا قررت اخذه

  3. واللة ياشباب انا اشتريت لكزس فورويل موديل 2005 واللة زعامة وما اشتكي منة وعلي فكرة مواصفاتة افضل مليون مرو من الخليجي وامان اكثر وقوة حصانية اكبر 325 حصان مب مثل الخليجي 285حصان وحماربن ونص دجاجة بس المشكلة في بعض الشغلات الثانوية مثل نظام الملاحة والعداد بالمايل والحرارة بالفيهرينهايت
    والباقي نفس الشئ بقول لكم شئ خطير عن وكالة الفطيم تراهم رفضو يستلمو السيارة لكن بعد ما اشتكيت عليهم عند الوكالة في اليابان بعدها بيومين طرشولي رسالة اعتذار وقبلو يستلمو السيارة واالأن اصينها عندهم بس في بعض المشاكل الصغيرة مايعرفولها مثل نظام الملاحة بيسونة لك بس غالى اشوي

  4. السلام عليكم ورحمة الله و بركاته …..

    تبا نصيحه اخويه من واحد عنده لكزس وارد امريكا موديل 2004 والله هي اوكى بس تتاذىمنها لان مافي حد يعرف لها الا عثمان الي في الشارقه و كل شيء الكتروني يعني خذ خليجي ضمان الوكاله احسن لك لان الفطيم ما يصلح الوارد و لا يقولون لك دينا تريد صفر على الشمال …

Comments are closed.