شو تنصحوني ياخوان من بين اشتري استيشن لكزس 2003 وبين لكزس 430 صالون موديل 2004؟
وشو الأسباب والاختلاف بين قطع الغيار والاستعمال!!!!!!
واضني الفرق مش وايد بينهم مع العلم ان الاثنين وارد……….
رايكم يهمني لو سمحتوا
19 thoughts on “استشاره لخبراء اللكزس الوارد”
Comments are closed.
العادي اذا وصل هني وكان ماشي شوي ونظيف سعره عادي يوصل 145 لو نظيف فقيس (عادي الي هو نص الترا) سيتات هيليوس وطبلوم جلد وبيبان جلد وكيمره بالخلف وشاشه وستاره بالخلف وحساسات
انا بعت وحده بيضه وهالمواصفات الي اكتبها ب 140 لان ياني شراي سريع من وقفت بالبيت والسيارة حرم ماتهنيت فيها يعني ماكشخت فيها ولكن يستاهل راعيها
وقيس الفروق في حال كانت المواصفات اكثر انت كم بتزيد والله توصل اكثر من 145 لو كانت نظيفه
لاتنسى اللون الداخلي والخارجي ونظافة الجلد والسقف وارضيات وكل هالاشياء
انا عن نفسي اهتم في هالاشياء واحب اييب شي مافيه اي عيب ومن ربعي الي اعطيه السيارة كمن يوم يوديها معاه والله ومحد الحمدلله ردلي شي او تشكى وان شاء الله بعرض بعد فتره سيارتين هني وبتعجبكم
وعن نفسي بامكان اني اجيب لكم سيارات من برع على ذوقكم ولكن انا لا اخذ عربون ولا شي واشتري بفلوسي السيارات الي اشوفها تصلح وماشتريها في مزادات الا كمن سيارة فعلشان جذي ما آخذ من اي حد اي طلب لسيارة
عرضي للسيارات قليل لان السيوله مرات تكون في اشياء ثانيات والي ادقر عليه اييب يعني مرات سيارة مرات ثنتين ومن تنباع شهرين او ثلاث لين يوصلو غيرهم وبحاول اييب اكبر عدد اقدر عليه وكن ابي السرعه في صرفهن
وترقبو
سؤال لكينج؟ كم سعر الامريكي العادي والالترا موديل 2004؟
انا بعطيكم شوية معلومات
الامريكي مواصفات اكثر من الخليجي والالماني
عندك الالماني في العداد بالكيلو والليت شرات الخليجي ومواصفات الامريكي الاترا ولكن في شوية فروق بسيطه في الخشب ولكن تجي بعضها اكثر من الامريكي
الخليجي (مافيه كنترول ارادار والهيدروليك ونظام تحكم بالبروده بلخلف يكون بس على الحار وفي فصين صوب الغير وشوية اوبشينات اقل)
والشكل بالجميع نفس الشي الا مثلا اشياء بسيطه مثل يجي ليت صغير بالمدكار وليت اصفر صغير بالامريكي
عن قطع غيار السيارات تراها متوفره بكثره والوكاله توفر النوعيات الثلاثة والكل نفس الشي
يفرق الامريكي في القطع غيار ان تحصل المستعمل منه بكثر في السوق وتحصل بعضها كالجديد في الكرتونه واغلب السكاريب يجيبو السيارات وهي فيها دعمه قويه او خفيفه ويقطعوها لان فايدتها اكثر وفي الشارجه واااااااااااااايد الصراحة والكل يشتغل على قص القطع
المرغوب الخليجي الي ماشي شويه ولكن فوق 2003 لان مافيها شاشه
الاترا معروف والاكس الترا نادر
وعن المشاكل تراني ابيع هاللكزسات وربعي ياخذونها ومافي واحد مامدحني ولا ياب لي زبون ثاني وثالث والحمدلله والله ان محد اشتكى من شي اي وانا نفسي استعمل واشوف الشباب والبنات يرغوب فيها
تجي من برع الحين المش مضروبات او المصبوغات وتجي المدعومات والغرقانات والي يشتري طويل العمر مب عمي والي يصلح هالسيارات في حال العطل اغلب الكاراجات واتحدى اي كاراج ماواقف فيه 430 وشكله يجذب الانظار
اكبر دعايه له
ترا سعره فيه وماينزل مع انه نزل 460 وتوقعو الناس نزول في السعر ولكن جامد وميود سعره
وبين الموترين ترا هذا يعتمد على ذوق الشراي
انت شو خاطرك (فورويل ولا صالون) الموترين حلوين وماعليهم رمسه وشاور اهلك احسن
صل الاستخاره واهم شي تشاور الوالده وتوكل على الله
الشباب مايقصرون ولكن كل شخص ونظرته وانت شوف مواصفات السيارة ونظافة السيارة وجيمتها
وسلامي
بشري سارة لاصحاب لكزس وارد امريكي والي ما اشتغل نظام الملاحة عندة واكيد مابايشتغل
في محل اسمة نجمة المدينةcity star
بخمس دقائق يرجعة مثل الوكالة بس بـ5500 درهم اصلى
وللافادة يمكن الأستفسار
شكرا