السلام عليكم ورحمة الله وبركاته

إخواني وإخواتي أعضاء وعضوات المنتدى

أول شي ماعرفت وين أحط هالموضوع بس قلت بحطه هني لين يشوفونه الأخوة المشرفين وينقلونه لمكانه المناسب ,,

أما الموضوع اللي حابه آخذ رايكم فيه وبنفس الوقت أبلغ اللي كانت لهم طلبيات عندي بإني غيرت شركة الشحن اللي أتعامل وياها ,,

الأخوه اللي طلبوا مني الأسبوع الماضي وهم

* a1616
* bader27
* AlMuTaIrI

حبيت أبلغهم أنه تم إرسال الطلبيات لهم اليوم بواسطة شركة إمبوست بدل ايليت اللي كان المتفق عليها ,, يعني راح يكون فيه اختلاف بسيط في قيمة الشحن ,,

والسبب أنه شركة ايليت أثبتت صدق سمعتها السيئة من خلال تصرفاتهم معايه ومع وايد بنات قريت لهم مواضيع بمنتديات أخرى ,, أرسلت لهم طلبيات 3 مرات وللحين ما وصلوني أي من مبالغ هذي الطلبيات
والعضو The Warrior للحين ما وصلوله طلبيته كما ذكرلي مع أني أرسلتها من أكثر أسبوع مع طلبيات الأختين الأميره و businesswoman اللي الحمدلله أكدوا عليه وصول أغراضهم ,,,

أسعار الشحن بتكون كالتالي :

* أبوظبي والعين 40 درهم
* دبي وباقي الإمارات 30 درهم

ومع ذلك فإنني أتيح للزبون اختيار الشركة المناسبة له ,,

يعني اللي في خاطره أرسله بشركه ثانيه أنا ماعندي مانع ,,,

هذا بالنسبة للي تعاملت معاهم للحين واللي ممكن يتعاملون معايه مستقبلا ,,

بس أنا مع امبوست للحين ما اتضحتلي الرؤية للحين بس مطرشه وياهم بس بعدهم على أساس الصبح بتوصل الأغراض ,,
اللي عيبني أنهم ايون لين البيت مب شرات أرامكس ومن طلبتهم يوا على طول

السؤال المهم واللي هو موضوع الاستطلاع ,,

ماهي أفضل شركة شحن تعاملت معها وليش ؟؟ يعني شو مميزاتهم ؟؟ وشو اسوأ شركة شحن من خلال تجاربكم عشان أستفيد والجميع يستفيد من هالموضوع إن شاء الله ؟؟

27 thoughts on “استطلاع للجميع … ومهم دخول اللي تعاملوا أو ناوين يتعاملون ويايه”

  1. مراااااااااااااحب

    مثل ما الكل قال عن شركة ايليت اضم صوتي لصوتهم

    اما بالنسبة لأرامكس بصراحة ماعليهم كلام وجدا محترمين في التعامل

  2. اختي بالنسبه لا ايليت اتوقع انها سيئه مالها مبلغ محدد كل يوم مبلغ توصيل اما شو احسن شركة اتوقع ارمكس
    اقووووول انا طلبت طلبيه عاد على اي شركة بتوصل …

    انا بختبر الامبوست هالاسبوع وبشوف اذا عيبتني خدمتهم بوصلك عن طريقهم … واذا انت اتفضل أي شركه خبرني وفالك طيب

  3. السلام عليكم ورحمة الله وبركاته..

    مرحبا اختي..

    أنا ولا مرة طرشت بس كله استقبل يعني اشتري من الأعضاء ودوم شركة إليت بس الصراحة اسلوبهم بايخ ومب عايبني..افضل اني ادفع زيادة 15 حق شركة أحسن عنها ولا اني اتعامل ويا اليت..

    اليت حرامية، إذا عند بضاعة لازم تستلمينها بيتصلوبج يسالونج عن مكان البيت بيحاول أول شي يتحايل عليج بيقولج اونه ماتقدرين انتي تيين تستلمينه بيتكم بعيد انا اقوله ماعندي سيارة وانته لازم اتوصل..
    وبعدين كانوا ياخذون قبل 15 حق التوصيل من دبي لدبي وعقب استوى 20 وكل حد يعرف بس اخر توصيلين كان حرامي، حد من الاهل استلم البضاعة وما يعرف كيف، فقال الريال 25 ودفعله بدون ما يعطي رصيد انا يوم عرفت قلت حق الريال اللي وصلي البضاعة المرة اللي عقبها قلت هاك حرامي جان يضحك وها شو يعني..

    حتى مرة اتصلتبهم استعلم عن بضاعتي يلست الحرمة تكلمني بأسلوب خايس جني اتشحت منها جان ارد عليها بنفس الأسلوب لأن الصراحة مب اسلوب..

    وامبوست اعتقد اوكي بس مرة ضيعولي شي ضروري بدال ما يوصل خلال يومين وصلي عقب اسبوعين وانا الاحقهم عشان يعرفون البضاعة ويا منو..

    اعتقد افضل شركة هي ارامكس، اسلوبهم صح ومحترمين ويوصلون البضاعة لين البيت بدون اي كلمة..

    شكراااا عالمعلومات بس أرامكس مايرضون يوصلولي لين البيت مادري ليش بس ابويه لو طلبهم يتصلوله مادري ليش مستهينين فيه ههههه

  4. اختي بالنسبه لا ايليت اتوقع انها سيئه مالها مبلغ محدد كل يوم مبلغ توصيل اما شو احسن شركة اتوقع ارمكس
    اقووووول انا طلبت طلبيه عاد على اي شركة بتوصل …

  5. السلام عليكم ورحمة الله وبركاته..

    مرحبا اختي..

    أنا ولا مرة طرشت بس كله استقبل يعني اشتري من الأعضاء ودوم شركة إليت بس الصراحة اسلوبهم بايخ ومب عايبني..افضل اني ادفع زيادة 15 حق شركة أحسن عنها ولا اني اتعامل ويا اليت..

    اليت حرامية، إذا عند بضاعة لازم تستلمينها بيتصلوبج يسالونج عن مكان البيت بيحاول أول شي يتحايل عليج بيقولج اونه ماتقدرين انتي تيين تستلمينه بيتكم بعيد انا اقوله ماعندي سيارة وانته لازم اتوصل..
    وبعدين كانوا ياخذون قبل 15 حق التوصيل من دبي لدبي وعقب استوى 20 وكل حد يعرف بس اخر توصيلين كان حرامي، حد من الاهل استلم البضاعة وما يعرف كيف، فقال الريال 25 ودفعله بدون ما يعطي رصيد انا يوم عرفت قلت حق الريال اللي وصلي البضاعة المرة اللي عقبها قلت هاك حرامي جان يضحك وها شو يعني..

    حتى مرة اتصلتبهم استعلم عن بضاعتي يلست الحرمة تكلمني بأسلوب خايس جني اتشحت منها جان ارد عليها بنفس الأسلوب لأن الصراحة مب اسلوب..

    وامبوست اعتقد اوكي بس مرة ضيعولي شي ضروري بدال ما يوصل خلال يومين وصلي عقب اسبوعين وانا الاحقهم عشان يعرفون البضاعة ويا منو..

    اعتقد افضل شركة هي ارامكس، اسلوبهم صح ومحترمين ويوصلون البضاعة لين البيت بدون اي كلمة..

Comments are closed.