السلام عليكم ورحمة الله وبركاته
إخواني وإخواتي أعضاء وعضوات المنتدى
أول شي ماعرفت وين أحط هالموضوع بس قلت بحطه هني لين يشوفونه الأخوة المشرفين وينقلونه لمكانه المناسب ,,
أما الموضوع اللي حابه آخذ رايكم فيه وبنفس الوقت أبلغ اللي كانت لهم طلبيات عندي بإني غيرت شركة الشحن اللي أتعامل وياها ,,
الأخوه اللي طلبوا مني الأسبوع الماضي وهم
* a1616
* bader27
* AlMuTaIrI
حبيت أبلغهم أنه تم إرسال الطلبيات لهم اليوم بواسطة شركة إمبوست بدل ايليت اللي كان المتفق عليها ,, يعني راح يكون فيه اختلاف بسيط في قيمة الشحن ,,
والسبب أنه شركة ايليت أثبتت صدق سمعتها السيئة من خلال تصرفاتهم معايه ومع وايد بنات قريت لهم مواضيع بمنتديات أخرى ,, أرسلت لهم طلبيات 3 مرات وللحين ما وصلوني أي من مبالغ هذي الطلبيات
والعضو The Warrior للحين ما وصلوله طلبيته كما ذكرلي مع أني أرسلتها من أكثر أسبوع مع طلبيات الأختين الأميره و businesswoman اللي الحمدلله أكدوا عليه وصول أغراضهم ,,,
أسعار الشحن بتكون كالتالي :
* أبوظبي والعين 40 درهم
* دبي وباقي الإمارات 30 درهم
ومع ذلك فإنني أتيح للزبون اختيار الشركة المناسبة له ,,
يعني اللي في خاطره أرسله بشركه ثانيه أنا ماعندي مانع ,,,
هذا بالنسبة للي تعاملت معاهم للحين واللي ممكن يتعاملون معايه مستقبلا ,,
بس أنا مع امبوست للحين ما اتضحتلي الرؤية للحين بس مطرشه وياهم بس بعدهم على أساس الصبح بتوصل الأغراض ,,
اللي عيبني أنهم ايون لين البيت مب شرات أرامكس ومن طلبتهم يوا على طول
السؤال المهم واللي هو موضوع الاستطلاع ,,
ماهي أفضل شركة شحن تعاملت معها وليش ؟؟ يعني شو مميزاتهم ؟؟ وشو اسوأ شركة شحن من خلال تجاربكم عشان أستفيد والجميع يستفيد من هالموضوع إن شاء الله ؟؟
تعاملت مع شركة هندية في الشارقة .. والله ندموني .. والله يعين الشباب الي كنت ارسل لهم الاغراض … وحتى مره ضيعوا طلبية واحد من الشباب وعطوه نصف الطلبية … حسبي الله عليهم .. وأرسلت للريال الطلبية الثانية على حسابي علشان (( القيل والقال )) :064:
وأما أيلايت وبكل صدق وأمانه الحين من أسبوع وأنا أتعامل وياهم والشركة للحين والحمد لله ما ضرتني بشي .. ولكن كلامكم خوفني والله :^2: والله يستر منهم
وطبعا أمبوست وأرمكس يعتمدون على الوزن الاشياء الخفيفة تكون رخيصة .. والاشياء الي أنا ارسلها فيها أوزان اشوي وثقيلة تطلع ارخص بوايد عن أيلايت ..
تفرق بينهم وبين أيلايت 70 درهم تقريباً بالنسبة لبضاعتي المبلغ كبير اشوي
ومشكورين على هذا الموضوع
في مثل يقولونه بهالمواقف بس نسيته ههههه
الله يعينك عليهم عيل انا الصراحه ماشفت حد ما اشتكى منهم يعرفون يذلووووون عدل يعني مندوبهم والله آخر مره اتصلتبه الثلاثاء وقالي اتصلي باجر وصك بويهي وثاني يوم اتصلت ونفس الشي ثالث يوم اللي هو الخميس اتصلتبه وقالي 10 دقايق وبكون عندج وال 10 دقايق صارت 3 ساعات أحرجني وانا واعده الناس أطرشلهم طلبياتهم بالثلاثاء ,,
الحمدلله اللي طرشتلهم طلبياتهم امس بالامبوست كلهم تقريبا أكدوا عليه وصولها ,, ويوم بيردولي بيزاتي بخبركم لأنه ايليت 3 مرات طرشت طلبيات وللحين ما وصلوني شي جني طالبه شي من جيسهم 🙁
تعاملت مع شركة هندية في الشارقة .. والله ندموني .. والله يعين الشباب الي كنت ارسل لهم الاغراض … وحتى مره ضيعوا طلبية واحد من الشباب وعطوه نصف الطلبية … حسبي الله عليهم .. وأرسلت للريال الطلبية الثانية على حسابي علشان (( القيل والقال )) :064:
وأما أيلايت وبكل صدق وأمانه الحين من أسبوع وأنا أتعامل وياهم والشركة للحين والحمد لله ما ضرتني بشي .. ولكن كلامكم خوفني والله :^2: والله يستر منهم
وطبعا أمبوست وأرمكس يعتمدون على الوزن الاشياء الخفيفة تكون رخيصة .. والاشياء الي أنا ارسلها فيها أوزان اشوي وثقيلة تطلع ارخص بوايد عن أيلايت ..
تفرق بينهم وبين أيلايت 70 درهم تقريباً بالنسبة لبضاعتي المبلغ كبير اشوي
ومشكورين على هذا الموضوع
امبوست هي افضل شركة في نضري
ومجربنهم الصراحة تعاملهم رايع جدا يوصلون الى البيت او العمل في التسليم والاستلام
وسعر مناسب 30 درهم روحة وجية
ارمكس خقيقة في التعامل 30 روحة و 30 جية ولا يوصلون لك الغرض الى البيت او العمل بس يتصلون فيك يقولون لك غرض عندنا
الايلايت هذه ازفت شركة توصيل وشو الفرق 5الى10 درهم على امبوست
هذا راي بكل صراحة
توني مجربه هالشركه الاسبوع هذا وبشوف اتريا اللي شروا يردون عليه خبر
مشكور اخويه
ارامكس افضل شركه
تسلمين حبيبتي
شركة Overnight خدمتهم رائعة وممتازة وسريعين جدا داخل الإمارات وخارجها.
مشكووور بسأل عنها لاني اول مره أسمع باسمها