استفتاء: بنك دبي الاسلامي vs بنك أبوظبي الاسلامي

45 thoughts on “استفتاء: بنك دبي الاسلامي vs بنك أبوظبي الاسلامي”

1. بموك شعارها .. نفتح لك ( أي ) باب .. ركز على كلمة أي .. شو تتريا منها ..!!

2. البنكين كل واحد اخص عن الثاني عن تجربه طبعا

   الأول بنك بوظبي …. يسرق منك ونت ما تدري و انصح كل واحد يشيك على حساباته أول بأول وبيلاحظ هـ الشي

   الثاني دبي ….. معاملته ما تخلص عسب شي بسيط لازم تداوم عندهم دوام كامل لمدة إسبوع أقل شي

   والموقف اللي أعاني منه الحين وياهم أودعت شيك في حسابي من قبل شهرين تقريبا ولين الحين ما إستلمت شي من بيزاتي

   وكل ما أراجع عند احد يطرشني عند زميله لي فـ العمل وكل ما أتصل يقولي راجع البنك عيزت و آخر ما توصلت له إني ما براجعهم وبشل بعمري أحسن ولا هالذل

   نصيحتي جرب مصرف الهلال أحس إنه وايد زين وقبل أي شي زورهم وتعرف على خدماتهم وشوف تعاملاتهم ولا تستعيل

   وإذا ما إرتحت لهم عندك الشارقة الإسلامي و نور الإسلامي و الإمارات الإسلامي لازم تلقى اللي بيرضيك

   الله ايسر أمورك

   لا إلاه إلا أنت سبحانك إني كنت من الظالمين

3. بنك دبي الاسلامي فيه وايد فروع وخدماته ممتازه

4. أنا تعاملت مع بنك دبي الاسلامي لمدة 10 سنوات وبعدها حولت راتبي لمصرف أبوظبي الإسلامي وهو الأفضل بكل تأكيد للأسباب التالية :

   1- انتشار فروعه في أبوظبي والعين وتواجده في أهم المراكز التجارية مثل المارينا مول + بوادي مول + الجيمي مول ..

   2- ماكينة السحب الآلي منتشرة في كل مكان وخاصة في محطات أدنوك

   3- بطاقة الفيزا محترمـــــــــــة ورسومها قليلة ويرجعون لك 1% من قيمة مشترياتك وإمكانية السداد الشهري 10% لغاية 100% وأنت تختار

   4- سهولـــــــــــــــــــة وأريحية في تمويل السيارات وتمويل البضائع وإذا احتجت كاش تقدر تسحب من راتب الشهر القادم عالمكشوف وإذا احتجت مبلغ كبير ممكن تشتري أسهم وتبيعها

   5- نسبـــــــــــــــــة التوطين مرتفعة جداً وفي مدينة العين مثلاً ترتفع نسبة المواطنين نظرياً لأكثر من 70% في كل الفروع

   6- توجد فروع خاصة بالسيدات فقط

   7- إمكانية سداد فواتير اتصالات والكهرباء وسداد بطاقة الفيزا والتحويل بين حساباتك أو لحسابات أي شخص تختاره أنت من خلال خدمـــــــــــــــــــة الموبايل وكذلك الاستفسار عن المرابحات والاستعلام عن الأرصدة وخدمات الموبايل عندهم وايد ممتازة وكذلك خدمات موقعهم الإلكتروني

   8- السهولة والسرعة في التعامل فمثلاً تقدر تخلص أمورك من أي فرع وتقدر تطلع سيارة بدون ما تروح البنك من الأساس.

   9- لا توجد رسوم كثيرة مثل بنك دبي الاسلامي كالحد الأدنى للرصيد ، أو إذا سحبت مرة وحدة من حساب التوفير تروح عنك أرباح الشهــــــــــر

   10- ليميت البطاقة حتى 10000 موب نفس بنك دبي 7000 درهم.

   11- قلة الزحمـــــــــــــــــــــــة وسهولة إنجاز المعاملات …. مثلاً : إذا بغيت تودع في رصيدك ممكن تودع من خلال المكينة أو تروح للموظف على الكاشير وتعطيه رقم الحساب بدون ما تعبي فورم أو تاخذ دفتر شيكات أو اي شي من هالخرابيط.

   12- وجود شركة بروج العقارية + شركة ابوظبي الاسلامي للخدمات المالية للأسهم

   13- نسبة الارباح على التمويل العقاري + السيارات دائما أقل من بنك دبي

   14- سحوبات دائمة لمستخدمي الفيزا ولحســـــاب التوفيرغنـــــــــــى

   15- كفاية ان اسم البنك هو ( أبوظبي ) وهي عاصمة الدولـــــــــــــــــــــة وأغنى مدن العالم في هذا الوقت.

   من واقع تعامل شخصي أبوظبي الأسلامي أحسن من بنك دبي الإسلامي ألف مرة والشباب يمدحون الهلال الإسلامي بعد

5. ويا خوان شما المصارف مو محتاجه تسرق كم من درهم عشان تقولو حراميه يمكن صار خطاء من شخص ولا نظام ولا تحطو في ذممكم وتشككو

   انا من ناحيتي عند حساب في مصرف ابوظبي االاسلامي وما شفت منهم الا كل خير وعن سالفت الايداع تقدر تسوي ايداع يا عن طريق الانترينت يا انك تتصل بالرقم المجاني يعني ما هي شغله صعبه وهذا رايي

Comments are closed.