استفتاء وبغيت مشاركة اخواتنا فى المنتدى

9 thoughts on “استفتاء وبغيت مشاركة اخواتنا فى المنتدى”

1. والله مجلة كل الأسرة مب شرات قبل .. قبل سنوات المجلات كانو معدودين .. أما الحين كل أسبوع نجوف مجلة يديدة

   طبعا كل الأسرة ما طورت نفسها عسب تقارع باجي المجلات .. تحسها عادية .. و تتكلم عن مواضيع مكرره أو مواضيع ما تهم الفرد المواطن

   أنا أجوف أن مجلة زهرة الخليج مكسحه السوق ,, و الدليل انها تخلص بسرعه .. كذا مرة سرت الشيشة قالولي مخلصه ..

   و الأسباب أنها منوعه و الواحد وايد يسفيد من المواضيع و المقالات اللي فيها و الشي الثاني الكتاب اللي يكتبون فيها لهم ثقلهم و معروفين فالساحة

   و يا مرحبا ..

2. .

   لي رأي مختلف لكن هل من الممكن أن نعرف غاية الاستفتاء لنفيدك أكثر

   بدلا من الحديث عن الموضوع بشكل عام

   في انتظار الرد أخي الكريم

   .

3. احس انها مجله للفن والفنانين وماقمت اقرها اله يوم اسير الحلاق اتصفحها

4. قبل كانت تعيبني

   من سنووات ودرتها

   ماصار فيها شي مميز

   وكثرة مواضيعهم عن حياة الفنان الفلاني وشو قالت هاييج الفنانه

   والنت ما قصر استوى عن عشرين مجله

5. السلام عليكم…
   انا اذكر ان مجلة كل الاسره كانت مشهوره قبل حوالى اكثر من 10 سنين وكانت فى كل بيت قبل لا يدخل الانترنت للبيوت ولكن بغيت اعرف…
   هل مازالت المجله مطلوبه؟ وهل تقرونها؟
   هل فى عدد كبير للمشتركين فى المجله من اعضاء المنتدى؟
   يعنى باختصار….هل المجله مازالت تدخل بيوتكم؟ ولا خلاص انقرضت وماحد قام يشتريها؟

   ابا رايكم بصراحه…وخصوصا النساء والرجاال اللى عندهم عائلات وشكرا مقدما…

   وعليكم السلام ورحمة الله وبركاته ..

   صح كلامك ,, قبل حوالي 10 سنوات أو أكثر .. كانت المجلة من أكثر المجلات شهرة يمكن مب بس فالامارات .. فالخليج والوطن العربي .. أما الحين .. !!!!!!

   عاد انته قلت تبا راينا بصراحة ..

   لو تمسك أي عدد من أعدادها في هالوقت !! بتحس أنك تتصفح مجلة موضة ! كل اسبوع سوولك لقاء ويا وحدة مشهورة وحطولك صورتها على الغلاف وكتبولك : فلانة الفلاني تقول لن أعتزل والفن والشهرة ومادري شو بلاهم!!

   وتعال تصفح المجلة ! ما تحس أنها مجلة إماراتية أو تخص الإمارات .. وبتلقاهم مسويلك تحقيق صحفي فيها عن مواضيع مكررة مثل : الطلاق ومادري زواج الأقارب والموبايل والانترنت والمراهقين و و و و و و … والمجلة مواضيعها مب لين هناك ..

   حتى اللقاءات والأبواب اللي فيها ! كله تكرار في تكرار .. والناس المشهورين اللي فيها نفس الوجوه .. ماعندهم إلا كمن مغني ومغنية وكمن ممثل وممثلة خليجية .. وكل أسبوع يسوون وياهم لقاءات ويكتبون عنهم وعن أخبارهم .. وتقدر تتأكد من كلامي لو اشتريتلك عدد واتصفحته ..

   أنا عن نفسي ماقمت أشتريها إلا نادراً .. وصارلي فترة ما قريتها .. وأحس المجلة ما تناسب كل الأسرة .. أصبحت تناسب فقط ” رب الأسرة ” ..

   تقبل مروري .. والسموحة ..

Comments are closed.