استفسار ايهما الافضل جلف كرافت 27 ام بكودا ديلوكس 28 ؟؟

7 thoughts on “استفسار ايهما الافضل جلف كرافت 27 ام بكودا ديلوكس 28 ؟؟”

1. الف شكر لاخوي اليزاف
   وبستمر الموضوع واتمنى الافادة للجميع ومن اصحاب البركودا ديلوكس 28 قدم وهل المكاين 115 ×2 كافيه عليه ؟؟؟ نبي نعرف تفاصيل عن البركودا

2. السلام عليكم ورحمة الله وبركاته اشكر كل واحد شارك في رايه اول شي ياجماعه الطراد البراكودا الديلوكس فيه عيوب شرعيه مثل الراش وايد ايدق اذا كان قصير و مكاينه اكبار يدعم الموج في الدابر اي في الرجعه مع الموج ايطيح على برده يوم ايكون الوزن زياده مثل ثلاث او اربع اشخاص على طرف واحد من ناحية التصنيع ماعليه كلام المواد المستخدمه كولتي من الدرجه الاولى** اما القلف كرفت يا جماعه فيه عيوب بصيطه والناس ماجربته بشكل خاص في الصيد مثل لطراريد الباجيه العيوب هي يتراما وايد ومافيه علو زياده الطراد ثجيل وايد مال مكاين اكبار اما الراش مايعرفه ابد والدق ما ايدق وايد طراد يستخدم في النزهه بشكل اكبير من الرحه اللي فيه طبعن التصنيع مانقدر نتكلم فيه شركة عالميه والكولتي منهم وفيهم هذا الكلام اللي افيدكم فيه من خبرتي في الطرادين من سنة 92 الى 2007 والسموحه ياجماعه

3. اشكركم على المرور والردود
   ولكن عن تجربتي الجلف كرافت 27 مافيه راش نهائيا
   انا استعملته سنتين طراد ممتاز الصراحة
   ولكن كثير ما سمعت عن البركودا وخصوصا عندكم
   يسمونه قاهر الامواج (سكرب الخليج)
   فياريت من اللي مجرب البركودا سوبر ديلوكس 28 قدم يعطيني مختصر عن تجربته ولكم الف شكر

4. والله على كلام الناس الطرادين ماعليهم كلام
   الجلف كرافت للنزهة أفضل
   أما البركودا إذا كان للصيد والقراقير أفضل من الجلف جرافت بس يرش رش على قول بعض الشباب ماء ورد ماء ورد
   تبي نصيحتي خذ لك الختال ينفع من كل النواحي صيد نزهه غوص على قولت المصرين بتع كلوه
   ولك الاختيار

5. السلام عليكم

   اولا اذا طرادك للبيع عطني خبر .

   ويشهد الله اني بقولك الي اعرفه .. من فتره و انا ادور على طراد و كنت فاتح موضوع في المنتدى ادور على جلف كرافت .. ولكن ربعي هل البحر الي هم ناس يقظون وقت في البحر اكثر من البر.. نصحوني اني ما اخذ جلف كرافت لانه ملك الراش وانت تمشي و يقولون يشرب ماي .. و قالولي مالك الا طراد من اثنين يا بركودا وهو ثقيل نوعا ما وهالشي يعطيه افضليه بانه مايرضخ او الختال و الختال يمدحونه مدح قوي حجم ٣١ قدم مع مكاين ٢٠٠

Comments are closed.