السلام عليكم .

اخواني بغيت اركب عازل شفاف حق موتري من جدام و على المناظر الجانبية و البونيت , الموتر فورويل و لونه لؤلؤي,,, حد يعرف مكان يركبون و على كم اسعارهم و شو الضمان ,,,

الي مركب شو رايه , ينفع ولا لا , يبين انه في شي مركب ؟؟

و لكم مني جزيل الشكر

9 thoughts on “استفسار بخصوص الجلاد الشفاف ( حماية السيارات )”

  1. اخوي في واحد اسمه برميرا اعتقد موجود في مصفح المدينة الصناعية قريب من آدنوك

    وكالة المسعود مسوين عقد وياه ..تركيبه شفته انا شكله اوكي ويعطونك ضمان 5سنوات بس اعتقد شوي غالي

    وعندهم ماركة 3m

    وشكرآ

  2. السلام عليكم شباب ،، موضوع طيب ،، وانا بصراحه اتريا سيارتي توصل وكنت افكر اسويلها بولش للحمايه ولمحافظه على اللمعان لمده اطول ،، مره شفت سيارة r8 عند واحد من الشباب ماشالله عليها تصالق بشكل غير طبيعي قالو لي الشباب انه مركب جلاد شفاف انا مستعد ادفع للعشره الاف لو شغل مضمون ومايخرب الصبغه في حال غيرة راي وحبيت اعقه ،،
    مشكوووورين

  3. اخوي اذا انته من دبي روح لمحل llumar-cpf
    مكانهم على شارع الشيخ زايد بين التقاطع الثاني والثالث
    بعد وكالة النيسان – خلف البناية اللي فيها مفروشات مارلين وبنك المشرق
    وهذا رقمهم 043389382

    في رمضان ركبت عندهم الفلم الشفاف للبمبر الامامي ولليتات الاماميه والتكلفه الاجماليه 1200
    والتركيب كان خلال 3 ساعات والموتر لونه ابيض ومايبين فيه

    مافي داعي تسوي للسياره بالكامل – اكثر جزء يتضرر هو البمبر الامامي والليتات وجزء من البونيت والسبه الحشرات اللي على الخط

    وبالتوفيق

Comments are closed.