استفسار بخصوص بيع الرخص التجاريه,,,

8 thoughts on “استفسار بخصوص بيع الرخص التجاريه,,,”

1. اختي أم شيخه
   رخصة الصالون قابله للتنازل والبيع لكن لو عندك الرخصه مع المحل يكون افضل تعرضيه للبيع

   بالنسبه لطريقة البيع ممكن عن طريق اعلان بالجريده وبنسبه للسعر للرخصه ممكن تجيب لين 5000 لو فيها مده صلاحيه
   او ممكن تعرضين المحل للاستثمار لو تعذر البيع عشان ما يطوف عليج الوقت بخصوص الايجار وصلاحية الرخصه

2. مشكورين اخواني وماقصرتو……….وبالنسبه لنصيحتك اخويه رجل طموح اني ابيع الرخصه مع كل شي فكره زينه لكن مادري اذا بلاقي شراي له بسبب الموقع…….عالعموم انا بحاول وبشوف شو بيستوي وانشالله خير

3. ما قصرت اخوي أرباب… لكن عندي سؤال للاخت ام شيخه

   ليش ما تبيعين الرخصه بالمعدات والموقع وكل شي.. وتفتكين مره وحده

   .. صعب تحصلين حد يشتري الرخصه خاليه ..

   لأن اللي بيشتري الرخصه خاليه.. بيدفع بيزات من أول ويديد عشان التنازل من اسمج لاسم المشتري اليديد..
   واسم المشتري لازم يتغير في البلديه او الدائره الاقتصاديه وغرفة التجاره والصناعه والعمل والعمال والهجره والجوازات .. يعني لو يفتح رخصه يديده بتكلفه اكثر بشي بسيط جداً

   رايي انج تبيعين الرخصه بالمحل كامل .. عشان تحصلين سعر
   لكن انا مب عارف شو ظروف الموقع
   يمكن اصحاب المحل يبونج تخلين المكان؟؟؟

   وبخصوص تجديد رخصة الصالون مو متأكد كم بالضبط بس ما أعتقد أقل من 4000 درهم
   واذا بتغيرين الاسم التجاري او اضافة نشاط او بتجددين عقد الايجار.. احسبي زياده

   المهم الله يوفجج ان شاء الله

Comments are closed.