السلام عليكم ورحمة الله وبركاته
شحالكم كلنا بحاله
عساكم بخير وسهاله
بغيت اتخبركم عن حايه لو ما عليكم اماره
كل اماره من الامارات السبعه لها عادات بقيمة المهر
يعني عدنا في ام القيوين
يا المعرس يدفع حق اهل العروس المهر الشرعي لهم ويكون عليه الزهبه والفندق
او يدفع 110 او 120 او 150 الف ويكون عليه بس قيمة الفندق او الصاله مال العرس ( لانه بالامية والشوي العروس واهلها يشترون منها الزهبه على كيفهم ولو ام المعرس تبغي تعطيهم هديه من عندها ما فيه اي خلاف)
والحمد الله يكفيهم الملبغ وما يكلفون على المعرس وايد
الحين ابغي اعرف منكم
كم قيمة المهر في امارتكم
والي معرسين بعد يقولون كم كان مهرهم + كم مبلغ المهر عندهم
ويا ترى يكفي او لا
وتراني نزلت ها الموضوع لانه في ناس يقولون انه في اماراتهم االمهور وصلت 500 الف ( حشى ما ادري وين يبغون)
والسموحة على التطويل
أختكم
بنت الأمارات
” ارحموا من في الارض يرحمكم من في السماء”
اعلم قبل كل شيء أن الله سيسألك عن مالك من أين أكتسبته و فيما أنفقته ..
يضغطون الريال بالديون … وعقب يقولون العيشة ضنكة تراها تراكمة عليه الديون …. شو يسوي الريال بحالة يشق نفسه عسبت سعادة حرمته .. بس مب لهذي الدرجة ..
السعااااااااادة الزوجية ليسة بهذا التبذير
لا عادي الغلا
خذي راحتج
الموضوع موضوعج
نحنا عدنا في ام القيوين قد ما يقدرون ما يكلفون على الريايل
لانه يبغون الريال الصالح الي يستر على بناتهم ولا يبغون الي يكون مهموم بعد العرس
يعني عدنا عادي الريايل يسكن ويا اهله هو وحرمته لين ما ربج ايسر عليهم
والمبالغ مب عوده يعني بالمقدور
وها اهم شي
وترى هاي السالفة لاحظتها في اماكن وايد
شرات وحده قالت انا ما خذيت الا المهر الشرعي الي هو 70 الف
وطلبتها عرس في فندق قراند حياة وفستانها من لبنان ومطربين ما ادري من وين
يا حليلهم بس حق ليلة وحده دفع ريلها 600 الف
وتقول ما كلفت على الريال
وياريت الناس تفكر بعقلانيه في مصاريف العرس
وتوزن الامور شوي …
بمعنى يشترون الريال وما يفكرون في الماده
واحيانا تلاقين اهل المعرس بنفسهم يكلفون ابنهم تكاليف كبيره
عشان يتفاخرون بين الناس بقيمة المهر ومصاريف العرس المكلفه
ارحمووووووووووووا عيالكماتمنى تكون هناك حملة توعيه كبيييييييييييره في الدوله تختص بهذا الموضوع
وتدخل كل بيت وكل فريج وكل حي
ونلاقي ناس تكون قدوه لغيرها في مثل هذه الامور
السموحه منج اختي خرجت شوي عن الموضوع الاساسي
معقوله يا حليله الريال
عدنا واحد من اهلنا دفع للعروس 120 الف وامه من عندها اشترت اغراض للعروس والعرس كان في صاله يعني العرس ما كلفه اكثر من 140 ويا تذكر سفرهم لشهر العسل
فوق 300 ألف هذا الي سمعت عنا
بوظبي