السلام عليكم يا الاخوان ويا الربع و عساكم بس مرتاحين وايد هوب قليل خلصنا السلام الحين الموضوع نبا خبرت بعض اخوانا يزاكم الله بخير بخصوص احسن سياره مثل نوعيه فراري والبنتلي والليمبرجيني ومزراتي واودي ار ايت شو افضل سياره منهم وشو نوعها من حيث الاستخدام اليومي كما هو معروف اكثر السيارات ما تصلح استخدام يومي بس في البعض يصلحن فحد بس ينورنا لو عنده خبره عسب نعرف كيف هذي النوعيات من السيارات ونعرف نختار او على الاقل معلوميه تفيدينا
وسلمتو
16 البروش وسبع ونص البنتلي وبي ام يته هفه ودش
اخوي Get Lost افا عليك كلامك على العين والراس زين جان عندك زود
بس ملاحظ يا اخوان شما انا مهمني اني اكون مميز ولا الناس تشوفني ولا هذي العلوم انا ريال يهمني سياره اخذها تقدرو تقولي سياره بخاطري فيها تكون سبورت وفخمه بس نفس الوقت يعني اقدر اتمشى فيها كاستخدام يومي مو اقصد اكرفها خطوط والعن بو خيرها واطير براغيها من خشم كزوزها
واللي بيقول قطع غير وغيره ارجع اقول انا ما سئلت الا اعرف قطع غيارها هوب رخيص بتحمل غلاه شو نسوي نصبر على غلا الحبيب 
السلام عليكم،
الغالي انا ماعندي خلفيه كبيره عن هالسيارات بس من الي اسمعه..
بخصوص البنتلي، بصراحه ما ارشحها كسياره لان من ناحية الشكل ما اشوف ان شكلها طرر يعني يوم تشوف هالموتر تقول هنيه الدنيا و و و، اشوفه استوى عادي والحينه ماتم حد ماخذه وغدالك شرا التكسي. وبخصوص المواصفات ما لاحظت مواصفاته مثل مواصفات بعض السيايير…
بخصوص البورش.
كنت راعي بورش قبل وبصراحه هالسياره الوحيده الي مامليتها وندمان اني بعتها، لانها سياره عمليه بالفعل ومالت مكده ولعان صير، كانت عندي الكايين قبل وماخليت دار ولا ديره بها، وصلتها لين لبنان ماشاءالله عليها ماشكيت منها، ورملة سويحان ماقصرت فيها، وحتى في الوديان مشيتها (مب بورش نيسان) بصراحه ماشكيت منها.
والحينه اخويه عنده بورش الصغيره بصراحه مايشكي منها وكل يومين مقبضنها خط والحمدلله مافيها مشاكل..
بخصوص المرسيدس.
مثل ماقالوا الشباب احتمال تتغير مكينته وهالشي يقهر، لو بتاخذ المرسدس الحينه بتتغصص عقب ماتنزل المكينه اليديده، لكن كاستخدام ومواصفات معروص بو الصلوب.
بخصوص اللمبرغيني.
هالسياره ماجربتها لكن يالبييه يوم تشوفها عدالك تحس الناس تتلفت صوبك وانت داخل زايغ وتقرا على عمرك وتحاتي عيون الناس وتباهم يردون الشهاده، بصراحه انا اشوف اللمبرغيني سياره فضييعه..
وبخصوص الكورفيت،
امممم ماعندي خلفيه لكن وكلة ليبرتي خساره الواحد يتعامل معاهم، تحس انهم ناس مش فاهمين الشغله عدل وتكره الساعه الي تعاملت معاهم. بس كسياره وكاستعمال ماعرف عنها واحس فتره وبتعافها.
وبخصوص الـ r8
بصراحه شكليا حلوه، وتحس انها هيبه واتحس انك يالس عالشارع مب عالكرسي تحس انك صغيرووني في الشارع وقويه ماشاءالله عليها، لكن سمعت من ريال يقول انها تناجب وايد وقيرها لوعة جبد ومش مريحه و و و كلام وانا ماعرف كلام الناس وايد.
مثلا على سبيل المثال، انا من مشجعين البورش، مابمدح غير البورش، واذا كنت من مشجعين البنتلي بمدحها و بنصحك وبزن عراسك.
الغالي جانك ادور على سياره كاستعمال يومي خذلك كاتلوج السيايير، او اقرى عنهن واسال ناس مختصه بهالسوالف. ولا تسير الوكاله ولا تمشي على شور حد. (كلن يمدح بضاعته) لا تنسى هالشي.
وعقب مااتعاين السيايير وتحط في بالك السيايير الي تباها استخير وشوف ربك شو يبالك واتمنالك التوفيق ان شاءالله ..
السموحه على المداخله لكن حبيت الموضوع وحبيت اني اشاركم الرأي ولا تاخذ عرمستيه تراها ماتودي ولا تييب اذا انت مب مقتنع بالكلام لي قلته ويمكن يكون كلامي غلط لاني ماعرف لهالامور عدل..
السموحه طولت وكلامي وايد
البنتلي جي تي
او الكاديلاك سي تي اس في
bmw 650 قوية و شكلها رياضي و رائعة للاستخدام اليومي وسعرها مناسب وبترتاح من الصيانة و القطع و هذي السوالف كلها و موتر مميز و مب منتشر بكثرة و تسطيع تستخدم الكرسي الخلفي عكس البورش وهذي نقطة مهمة للاستخدام اليومي
طبعا اكيد البورش s 4 رياضية حتى الصميم و انا عن نفسي افضلها عن اي سوبر كار ولكن خلي في بالك الكرسي الخلفي غير مفيد تقريبا وطبعا تختلف احتياجات كل شخص اليومية عن الاخر .. اذا هذا الموضوع ما يهمك عليك بالبورش
14 صوت وست ونص البنتلي وواحد لمبرجيني واحد اودي الار اييت على الخفيف
اشوف بدون منافس بو رشا متقدم بوايد