السلام عليكم ..
كيف الحال؟
اخواني حبيت استفسر من اللي يطلبون من النت عن الجمرك
انا ابا اجرب اطلب من النت لاول مرة
وخبرني ربيعي انه من قبل طلب وكان في جمرك على طلبيته
حبيت اعرف الجمرك في اي حالة وعلى اي كمية ؟
وكم بيكون .. يعني كيف ينحسب على السعر الكلي ولا شو؟
اتمنى تفيدوني لاني ابا اطلب بضاعة من النت بس ما اعرف موضوع الجمرك
شكرا
الكلام الرسمي…وأنا مخاطب جمارك دبي في ذلك…
فوق ال 1000 درهم يأخذوا جمارك 5%.
أقل من ال 1000 درهم ما فيه جمارك.
—
لكن شركات الشحن الكبرى مثل ال فيدكس و الدي اتش ال …الخ….تأخذ رسوم زيادة والسبب تخليص الجمارك!! هذا اذا تجوز المبلغ ال 1000 درهم كما ذكرت سابقاً.
انا اتفق مع اخوي فيصل 100٪
تحت الاف ما ياخدون شي
انا طلبت اي باد وخذوا مني حوالي 190 درهم
وطلبت لاب توب ماك قيمته تقريبا 8000 درهم وتوقعت ياخذون 400 ويوم استلمت الطلبيه حصلتهم خذوا مني تقريبا 200 درهم ويوم قريت الورقه حصلتهم مقيمينه لي ب 600 دولار ^^
ما قصروا وفروا علي
من خلال تجربتي ياخذوا من فوق الف وللالكترونيات
وشكرا
موفق بإذن الله … اخوي نفس كلام فهد ؛ والبضائع المعفية من الرسوم الجمركية يجب ان تكون بضاعة منشأها دول مجلس التعاون الخليجي ومصحوبة البضاعة بشهادة منشأ تثبت ذلك ؛ وغير دول مجلس التعاون تنحسب بطريقة قيمة البضاعة في 5% ؛ مع اشتراط وجود فاتورة وشهادة منشأ ان امكن او تكون البضاعة عليها دلالة
اخوي انا موظف في الجمارك
و كلام اخوي فهد 100%
و الكلام الباقي ألي هو كود أو تحت 1000 درهم ماياخذون كله ماشي هذا الكلام