السلام عليكم اشحالكم يالربع
بس ابيكم اتفيدوني فالسعر
حصلت فتك
موديل 2009 ماشي 40 الف
وسفاري ونظيف مرة
ولونه احمر ذهبي الي هو الدخاني اليديد
وابي اعرف سعره اوكي ولا غالي
وسعره 133 الف
ممكن الافاده
بس ابيكم اتفيدوني فالسعر
حصلت فتك
موديل 2009 ماشي 40 الف
وسفاري ونظيف مرة
ولونه احمر ذهبي الي هو الدخاني اليديد
وابي اعرف سعره اوكي ولا غالي
وسعره 133 الف
ممكن الافاده
بصراحه وبصراحه وبصراحه ..
لو تريد رايي ..
انا اقوولك لا تاخذه واسمحلي يعني
ادري بتقوولي ليش ..؟؟
اول شي لونه … بصراحه لونه مب حلووو لهذاك الزووود …
اذا بتاخذ فتك خذ الابيض لؤلؤي .. او الاسود او الذهبي
المووتر سفاري ..؟؟؟ صح موديل 2009 … وماشي حوول الاربعين الف
بس المووتر سفاري يعني مب فول اووبشن …
انا انصحك خذ لك سوووبر سفاري اذا تريد نيسان فتك
لانه الفرق شاسع بين السووبر سفاري .. ومن بين السفاري
الحين السووبر سفاري موديل 2008 فوول اووبشن يبيعوونه بحدوود 120 ألف … ونظيف
والموتر اللي انته تباه سفاري … يعني مب سوبر سفاري …
صح موديله 2009 .. ولكن صدقني اكيد البليته 2008 ….
انا انصحك بالسووبر سفاري ..
ولو بتاخذ سفاري خذلك اللون المفضل اللي هو الابيض لؤلؤي او الاسود ومن ثم الذهبي زيتوني
ولو عن تقييم الموووتر اللي انته تباااه …
انا اقوولك يسوى 110 آلاف …فقط لاغير
لانه موديل 2008 سفاري يبيعووونه بحدود 100 ألف
وهذا 2009 واكيد البليته 2008 .. ولونه مب مرغووب فيه ابداً
والسموحه على الاطالة وهذا رأيي الشخصي لو تبا نصيحتي …
والراي رايك فالاخير … والبيزات بيزاتك
موفق بإذن الله … لك مني أجمل تحية .
شوف اخوي انا خذت واحد نفس موترك لونه لؤلؤي 2009 ماشي 13 الف سفاري مع فتحه بدون دفلوك ب 132 الف
من معارض العوير(القصب)
الطيب اذا انت ناوي تستخدمه خذه سعره زين ويستاهل اكثر لكن لو اتفكر تشتريه واتبيعه مانصحك لانه الفئه اليديه فالطريج
لكن 2009 انا مجربه يستاهل وزوود
اليديد بكم اخوى
وعلى فكره 8سلندر بينزل شهر 2او 3
انا اشوفه غالي سامحني على المداخله
وين الردووود