استفسار عن تعليم ركوب الخيل

اريد مكان في ابوظبي

واللي عنده خبرة عن الرسوم يفيدنا
وشاكر لكم

9 thoughts on “استفسار عن تعليم ركوب الخيل”

  2. هلا اخوي ،،

    كنت مرة ابا اسجل وياهم واتصلت استفسر ورد علي واحد عرفت منه ان التسجيل له مواسم خلال السنة على حسب درجة الحرارة واذا كان الجو مناسب انهم يطلعون الخيول والا لا كانت الفترة صيفية والجو وااايد حرر فقالي موقفين التسجيل والدورات لين شهر اكتوبر

    وسألت بعد اذا كان في حريم مدربات واذا كان في ايام مخصصة للنساء قالي في مدربات بس ماشي ايام مخصصة للنساء

    خلاصة القول ان الموضوع مب موضوع واسطات او لازم يكون لك مكانة يمكن الموظفة ما كان لها خلق ذاك اليوم سير بنفسك واتعرف على المكان واطلب حد يشرح لك كل شي وقدم اوراقك واتوكل على الله

    في مدرسة فروسية ثانية زرتها في جزيرة السمالية ممكن تنسق مع نادي التراث عسب تسجل فيها ومب بعيدة عشر دقايق عن ميناء شاطئ الراحة وتلاقي عمرك هناك والناس وايد راقيين في التعامل بس طبعا اللي خرب علينا ان ماشي حريم يدربون بس حلو ان المكان مغلق وما ادري اذا تقدر تطلع في الجزيرة بالخيل شوفهم يمكن تلاقيهم احسن عن نادي الفروسية

    وبالتوفيق ان شاء الله

  3. صدقني اطلب بيت شعبي اسهل لك من انك تسجل في نادي الفروسية

    وهاي عن تجربة

    اتصلت بنادي ابوظبي للفروسيه وقلت لهم لو سمحتوا ابا قسم التسجيل
    ردت علي وحده هنديه تتحسب اني اطر من بيت ابوها وقالت لي ييب صورة جوازك وصورتين شخصيات وراح نرفع الموضوع للإداره وعقب اسبوع او اسبوعين بنرد عليك بالموافقه او الرفض فقلت لها انزين طرشي لي الطلب على الايميل او الفاكس وراح اكتبه وبيي بروحي اعطيكم اياه فرفضت وقالت لازم بروحك تيي وتسجل قدامنا ( تتحسبني بغش ) فقلت لها ابا اسجل بنتي مب انا فقالت لي كم عمر بنتك فقلت لها سبع سنوات فقالت ماعندنا تسجيل وحاليا فل واتصل بنا عقب فتره وكله ترمس الخلق بدون نفس

    اذا تبا حق عيالك ودهم صوب المارينا مول خلهم يركبون الخيل الحتر اللي هناك ب10 دراهم وانت والخير رباعه

    ^_^

    لا لا أنــت مــافهمـــت كيـــف الطبــخة عنـــدهـــم

    هـــم يشـــوفــون صـــورتــك ووزنـــك ومكـــانتـــك الاجتمــاعية والحــالة المـــادية

    عســــب مــا يصيـــر يخـــرجــون من نــاديهـــم واحــد مكــرش ومتـــين ومــو معــروف ولا له مكانه أو عنده بيزات

    لازم تكـــون وسيــــم وعنــدك بيــزات يعنــي راهـــي ومكــانتــك الاجتماعيــة زينـــه

    والبـــنت لازم عيلتــها كبيــره ويا حبــذا تكــون حلــوة وكبيــره

    بعـــدين يـــوافقـــون عليـــك ( عســب بالمستــقبل لمن يشــفون النــاس الخــريجيــن بالتلفــزيون يكــونون رزه لهم )

    ونـــاس وسيميــن حـــدهم ويســوون سمعـــة حـــق المكــان هههههههههههههههههههه

    حــتى العــوايــل اللــي عيــالهم جيــاكر وشينيــن يرسلــونهم لهنــاك يمكــن يحلــــوون

    عــاد أنــت ألـــزق فيــهم ومــا عليـــك منهم ( قـــول لهــم بصـــير فــارس يعنــي فــارس )

    بنتــي بتسجل عندكم يعني بتسجل

    تــرى بكتــب عنكم سالفة تشايدة بالجــرايد هــم بيخــافون على طووول يسجلونك

    وبالتــــوفيق

  5. في ابوظبي ؟

    صدقني اطلب بيت شعبي اسهل لك من انك تسجل في نادي الفروسية

    وهاي عن تجربة

    اتصلت بنادي ابوظبي للفروسيه وقلت لهم لو سمحتوا ابا قسم التسجيل
    ردت علي وحده هنديه تتحسب اني اطر من بيت ابوها وقالت لي ييب صورة جوازك وصورتين شخصيات وراح نرفع الموضوع للإداره وعقب اسبوع او اسبوعين بنرد عليك بالموافقه او الرفض فقلت لها انزين طرشي لي الطلب على الايميل او الفاكس وراح اكتبه وبيي بروحي اعطيكم اياه فرفضت وقالت لازم بروحك تيي وتسجل قدامنا ( تتحسبني بغش ) فقلت لها ابا اسجل بنتي مب انا فقالت لي كم عمر بنتك فقلت لها سبع سنوات فقالت ماعندنا تسجيل وحاليا فل واتصل بنا عقب فتره وكله ترمس الخلق بدون نفس

    اذا تبا حق عيالك ودهم صوب المارينا مول خلهم يركبون الخيل الحتر اللي هناك ب10 دراهم وانت والخير رباعه

    ^_^

Comments are closed.